लेटेस्ट चालू घडामोडी

Friday, October 31, 2014

चालू घडामोडी - ३१ ऑक्टोबर २०१४

  • पंकज अडवाणी याने टाईम format पद्धतीतील बिलियर्डस स्पर्धेत जगज्जेतेपद पटकावले. 
    • गेल्या आठवड्यात त्याने १५० गुणांच्या बिलियर्डस स्पर्धेचे जगज्जेतेपद पटकावले होते. 
    • हे त्याचे १२वे जगज्जेतेपद आहे.
    • एकाच वर्षात दोन्ही जगज्जेतेपद जिंकण्याचा पराक्रम त्याने तिसऱ्यांदा केला. 
  • दिवंगत पंतप्रधान इंदिरा गांधी यांची १९८४मध्ये हत्या झाल्यानंतर देशभरात उसळलेल्या शीखविरोधी दंगलीमध्ये मृत्युमुखी पडलेल्या ३३२५ व्यक्तींच्या नातेवाईकांना प्रत्येकी पाच लाख रुपये नुकसान भरपाई देण्याचा निर्णय केंद्र सरकारने घेतला.
  • मुंबईे-दिल्ली हायवेवरील इलेक्ट्रोनिक टोल कलेक्शन (ETC) यंत्रणेचे केंद्रीय रस्ते वाहतूक मंत्री नितीन गडकरी यांच्या हस्ते दिल्ली येथे उद्घाटन झाले. 
    • मुंबई-दिल्ली मार्गावरील ५५ टोलनाक्यांवर ETC यंत्रणा बसविण्यात आली आहे. 
    • ETC च्या अंमलबजावणीसाठी "भारतीय हायवे व्यवस्थापन" हि नवी कंपनीहि स्थापन करण्यात आली आहे. 

Thursday, October 30, 2014

चालू घडामोडी - ३० ऑक्टोबर २०१४

  • राज्य सहकारी बँकेला झालेल्या अब्जावधी रुपयांच्या तोट्याची जबाबदारी निश्चित करण्याप्रकरणी अजित पवार, विजयसिंग मोहिते पाटील यांच्यासह ६०-७० बड्या नेत्यांना नोटीसा बजावण्यात आल्या आहेत.  
  • प्रधानमंत्री जन धन योजनेबाबत माहिती देण्यासाठी www.pmjdy.gov.in हि वेबसाईट सुरु करण्यात आली आहे.
  • जर्मन (शिलीन्गेल) फिल्म फेस्टिव्हल-२०१४ मध्ये अमोल गुप्ते दिग्दर्शित 'हवाहवाई' या सिनेमाला सर्वोत्कृष्ट चित्रपटाचा पुरस्कार मिळाला.
  • 'नासा'च्या मानवरहित यानाचा उड्डाणानंतर सहा सेकंदामध्ये व्हर्जिनिया येथे स्फोट झाला.
  • अमेरिकेच्या मानवाधिकार समितीच्या अध्यक्षपदी वनिता गुप्ता यांची निवड करण्यात आली.
सामान्य ज्ञान
  • भारताचे मुख्य आर्थिक सल्लागार : अरविंद सुब्रमण्यम
  • गोध्रा हत्याकांडाची चौकशी करण्यासाठी नेमण्यात आलेला आयोग  : नानावटी आयोग 

Wednesday, October 29, 2014

चालू घडामोडी - २९ ऑक्टोबर २०१४

  • भाजपनेते देवेंद्र फडणवीस यांची महाराष्ट्राच्या मुख्यमंत्रीपदी निवड करण्यात आली. 
  • ३१ ऑक्टोबर रोजी सरदार वल्लभभाई पटेल जयंती निमित्त देशात "राष्ट्रीय एकता दिन" साजरा करण्यात येणार आहे. 
  •  आठ महिन्यांपासून राष्ट्रपती राजवट लागू  असलेल्या दिल्लीमध्ये सरकार स्थापनेविषयी होत असलेल्या विलंबाबद्दल सर्वोच्च न्यायालयाने केंद्र सरकारला फटकारले. 
  • जपानमधील टेलिकॉम व इंटरनेट क्षेत्रातील आघाडीच्या "सॉफ्टबँक"ने 'Snapdeal'या ऑनलाईन रिटेलरमध्ये ६२७ दशलक्ष डॉलरची गुंतवणूक करण्याचा निर्णय घेतला. 
  • 'मजलिस-ए-इत्तेहाद्दुल मुस्लिमीन' (MIM) या पक्षाची महिला शाखा २०१५मध्ये मुंबई येथे सुरु होणार आहे. 
  • १९ ऑक्टोबर रोजी साजरा करण्यात आलेल्या जागतिक गर्ल चाईल्ड दिनाची थीम : मुलींचे सक्षमीकरण

Tuesday, October 28, 2014

चालू घडामोडी - २८ ऑक्टोबर २०१४

  • विदेशी बँकांमध्ये काळा पैसा दडवलेल्या तीन भारतीयांची नावे केंद्र सरकारने २९ ऑक्टोबर रोजी सुप्रीम कोर्टासमोर सादर केली. 
    1. प्रदीप बर्मन [डाबर इंडिया कंपनीचे माजी संचालक]
      • सध्या 'संदेश' या स्वयंसेवी संस्थेचे संस्थापक अध्यक्ष 
    2. पंकज चिमणलाल लोढीया [श्रीजी ग्रुप ऑफ कंपनीजचे चेअरमन]
    3. राधा सतीश तिन्बोलो [गोव्यातील खाण व्यावसायिक तिन्बोलो समूहाच्या प्रतिनिधी]
  • संसदेचे हिवाळी अधिवेशन २४ नोव्हेंबर ते २३ डिसेंबर दरम्यान होणार आहे. या अधिवेशनात दोन्ही सभागृहांच्या एकूण २२ बैठका होणार आहेत.
  • सानिया मिर्झा आणि कारा ब्लेक (झिम्बाब्वे) यांनी WTA फायनल जिंकली. 
  • रशियाकडून आयात केलेल्या 'सुखोई-३०' विमानाला अपघात झाल्याने तांत्रिक चाचणी होईपर्यंत संरक्षण मंत्रालयाने या विमानाच्या उड्डाणावर बंदी घातली आहे. 
  • देशाच्या पश्चिम किना-यावर निलोफर चक्रीवादळाचे संकट घोंघावत आहे. 
  • पेशंटला तातडीने वैद्यकीय मदत मिळावी यासाठी 'अरमान'या सामाजिक संस्थेने 'मुंबई हिरो' उपक्रम हाती घेतला आहे. याद्वारे आयसीयू आणि रक्ताची उपलब्धता याबाबतची माहिती संगणक व मोबाईलद्वारे पुरविण्यात येईल. 


सामान्य ज्ञान
  • एडीस इजिप्ती नामक डासांमुळे डेंग्यू रोगाचा प्रसार होतो.
  • भारताने विविध देशांकडून आयात केलेली लढाऊ विमाने 
    • रशिया - मिग-२५, मिग-२७, मिग-२९, सुखोई-३०
    • ब्रिटन - जॅग्वार
    • फ्रांस - मिराज २०००
    • अमेरिका - हर्क्युलस