लेटेस्ट चालू घडामोडी

Tuesday, June 30, 2015

चालू घडामोडी - २९ जून २०१५ [Current Affairs - June 29, 2015]

जयललितांच्या हस्ते चेन्नई मेट्रोचे उद्घाटन

    Chennai Metro
  • चेन्नई मेट्रोच्या पहिल्या टप्प्यातील सेवेचे तमिळनाडूच्या मुख्यमंत्री जे. जयललिता यांनी २९ जून रोजी उद्घाटन केले. यामुळे चेन्नईकरांसाठी प्रथमच मेट्रो सेवा उपलब्ध झाली आहे.
  • चेन्नई मेट्रोचे उद्घाटनाचे यापूर्वी अनेक मुहूर्त चुकले आहेत. अखेर आज चेन्नई मेट्रोच्या पहिल्या टप्प्यातील वाहतुकीला सुरवात झाली. मेट्रो सेवा सुरू झाल्याने चेन्नईतील नागरिकांची वाहतुकीच्या कोंडीतून सुटका होण्यास मदत होणार आहे. 
  • कोयंबेदू आणि आलंदूर या दोन स्थानकांदरम्यान १० किलोमीटरच्या अंतरावर ही मेट्रो सेवा सुरू झाली आहे. या मार्गावर ७ स्थानके आहेत.
  • या मार्गावर ९ मेट्रो धावणार आहेत. प्रत्येक मेट्रो रेल्वेत १ हजार २७६ प्रवासी नेण्याची क्षमता आहे. 
  • १० रुपये कमीत कमी तर ४० रुपये जास्तीत जास्त भाडे या रेल्वेत आकारले जाणार आहे. अलंदूरपासून हा मेट्रो रेल्वे मार्ग चेन्नई विमानतळापर्यंत वाढविला जाणार आहे.
  • चेन्नईतील पहिली मेट्रो रेल्वे महिला चालक ए. प्रीती ठरली आहे.
  • या मेट्रो मार्गाचे ऑक्टोबर २०१४ मध्ये उद्घाटन होणार होते. त्यानंतर हे उद्घाटन मार्च २०१५ मध्ये लांबणीवर टाकण्यात आले होते. अखेर २९ जून रोजी या मार्गाचे उद्घाटन झाले.
  • मेट्रो सेवा असलेले चेन्नई हे देशातील सातवे शहर ठरले आहे. यापूर्वी दिल्ली, मुंबई, कोलकत्ता, बेंगळूरू, गुरगाव, जयपूर या शहरात मेट्रो सुरु झालेली आहे.

‘रॅम’मध्ये नाशिकचे महाजन बंधू विजयी

    Doctor brothers from nashik finish worlds toughest cycle race
  • ‘रेस अक्रॉस अमेरिका’ (रॅम) ही जगातील सर्वात कठीण सायकल शर्यत यशस्वीरित्या पूर्ण करण्यात नाशिकचे महेंद्र व हितेंद्र महाजन हे डॉक्टर बंधू यशस्वी ठरले आहेत. महाजन बंधूंनी आठ दिवस १४ तास आणि ५५ मिनिटांत ही शर्यत पूर्ण केली.
  • ‘रेस अक्रॉस अमेरिका’ या स्पर्धेसाठी पहिल्यांदाच भारतीय जोडी पात्र ठरली होती. ३२ वर्षांची परंपरा असलेल्या सायकल स्पर्धेत महाजन बंधूंनी ४, ८२८ किलोमीटर अंतर नियोजित वेळेच्या बारा तास अगोदर पार केले.
  • या शर्यतीला मेरीलँड अटलांटिक कोस्ट मधून सुरुवात झाली व त्यांच्या वाटेत कॅलिफोर्नियातील जंगल, मोजावे येथील वाळवंट व कोलोरॅडो येथील उंच पर्वतरांगा आणि मध्य अमेरिकेतील वारे यांचा अडथळा होता. वादळी पाऊस आणि विजांच्या भयावह गडगडाटाशी मुकाबल करत कुबरलॅंड आणि हॅंकॉकचे कठीण अंतर त्यांनी पार केले. स्पर्धेचा वॉशिंग्टन मेरी लॅंड परिसरात समारोप झाला.
  • ३९ वर्षाचे डॉ. हितेंद्र हे व्यवसायाने दंत चिकित्सक आहेत तर त्यांचे ४४ वर्षीय बंधू डॉ. महेंद्र हे भूलतज्ञ आहेत. रेस अक्रोस अमेरिकेच्या संकेतस्थळाने दिलेल्या माहितीनुसार या दोघांनी ही शर्यत २३.३६ किमी प्रती तास इतक्या वेगाने सायकल चालवत पूर्ण केली.
  • यापूर्वी स्पर्धेतील सोलो म्हणजेच एकट्याने सहभागी होण्याच्या यादीमध्ये बंगळुरू येथील शमीम रिझवी व अलीबाग येथील सुमित पाटील हे सहभागी झाले होते. पण ते ही शर्यत पूर्ण करू शकले नाहीत. त्यामुळे ही शर्यत पूर्ण करण्याचा प्रथम भारतीयांचा मान महाजन बंधूंना मिळाला आहे.
  • ‘टुर-दी-फ्रान्स’प्रमाणे ‘रेस अक्रॉस अमेरिका’ ही शर्यत अनेक दिवस चालणारी असून या शर्यतीमध्ये स्पर्धकांना सलग सायकल चालवावी लागते. स्पर्धकांच्या शारिरीक व मानसिक क्षमतेची कठोर परीक्षा घेणारी ही शर्यत जगातील सर्वात कठीण सायकल स्पर्धा समजली जाते.

ज्वाला-अश्विनी जोडीला 'कॅनडा ओपन'चे जेतेपद

    Jwala Gutta, Ashwini Ponappa
  • भारताच्या ज्वाला गुट्टा-अश्विनी पुनप्पा जोडीने हॉलंडच्या प्रथम मानांकित मुस्केन्स आणि सेलेना पेईक जोडीचा पराभव करत प्रतिष्ठेच्या कॅनडा ओपन ग्रां. प्री. बॅडमिंटन स्पर्धेच्या महिला दुहेरीच्या विजेतेपदावर नाव कोरले.  
  • जागतिक क्रमवारीत तिसऱ्या स्थानी असलेल्या ज्वाला आणि अश्विनी जोडीने एफ.जे. मस्किन्स व सेलेने पिएक यांचा २१-१९, २१-१६ असा पराभव करत या स्पर्धेच्या महिला दुहेरीचा खिताब पटकावला.
  • पहिल्या सेटमध्ये प्रतिस्पर्ध्यांनी अश्विनी व ज्वालाला कडवी लढत दिल्याने त्यांनी तो सेट २१-१९ अशा अवघ्या दोन गुणांच्या फरकाने जिंकला. 
  • मात्र त्यानंतर अश्विनी व ज्वालाने आपले वर्चस्व राखत दुसरा सेट २१-१६ अशा फरकाने जिंकून विजेतेपदावर नाव कोरले. अवघ्या ३५ मिनिटांत या सामन्याचा निकाल लागला.

स्मॉल फॅक्टरी विधेयक

  • चाळीस कामगारांहून कमी कामगार असणाऱ्या उद्योगांना छोट्या उद्योगांचा दर्जा देऊन त्यांना कामगार कायद्यांतून सूट देणारे अत्यंत महत्त्वाचे विधेयक केंद्र सरकार संसदेच्या पावसाळी अधिवेशनात मांडणार आहे. 
  • पावसाळी अधिवेशन पुढील महिन्यात २१ जुलैपासून सुरू होणार असून या अधिवेशनात हे विधेयक मांडले जाईल. 
  • स्मॉल फॅक्टरी (फॅसिलिटेशन अँड रेग्युलेशन ऑफ एम्प्लॉयमेंट कंडिशन्स ऑफ सर्व्हिसेस) बिल असे या प्रस्तावित विधेयकाचे नाव आहे. 
  • सध्या हे विधेयक मंजुरीसाठी कॅबिनेटकडे पाठवण्यात आले आहे. एका ठिकाणी किंवा शाखा नसलेल्या छोट्या कारखान्यांना लागू होणाऱ्या कामगार कायद्यांतील तरतुदी एकत्र करून हे विधेयक तयार करण्यात आले आहे. 
  • याच अधिवेशनात बाल कामगार (प्रतिबंधन व नियमन) सुधारणा विधेयक, २०१२ देखील मांडले जाणार आहे. याला कॅबिनेटने मंजुरी दिली आहे. या विधेयकामुळे १४ वर्षे वयाखालील मुलांना कारखान्यात कामावर ठेवणे हा गुन्हा समजला जाईल, मात्र अशा मुलांना त्यांच्या कौटुंबिक व्यवसायात काम करता येईल. 

स्मॉल फॅक्टरी विधेयकातील तरतुदी

  • पगार बँक खात्यात जमा करावा. 
  • कामगारांना सामाजिक सुरक्षितता द्यावी. 
  • पाच कामगारांपेक्षा कमी कामगार असलेल्या कारखान्यांना शिफ्ट, हजेरी व लेटमार्क यांचे बंधन राहणार नाही.

भारतीय रेल्वे, लष्कर सर्वाधिक रोजगार देणारे

  • वर्ल्ड इकॉनॉमिक फोरमने जगातील सर्वांत मोठ्या रोजगार देणाऱ्या संस्थांचा एक संशोधन अहवाल प्रसिद्ध केला आहे.
  • त्यानुसार भारतीय लष्कर आणि भारतीय रेल्वे या दोन संस्थांची गणना जगातील सर्वांत मोठ्या रोजगार देणाऱ्या पहिल्या दहा संस्थांमध्ये झाली आहे.
  • या अहवालात भारतीय रेल्वेला आठवे स्थान देण्यात आले आहे. रेल्वेने एकूण १४ लाख लोकांना रोजगार दिला आहे. त्याखालोखाल भारतीय लष्कर १३ लाख लोकांना रोजगार देते, असे या अहवालात म्हटले आहे.
  • या अहवालानुसार अमेरिकेचे संरक्षण खाते हे जगातील सर्वांत मोठा रोजगार देत आहे. या खात्यात ३२ लाख लोकांना अधिकृतपणे रोजगार दिला जातो असा दावा करण्यात आला आहे. 
  • तसेच, चीनचे लष्कर पीपल्स लिबरेशन आर्मी (२३ लाख), वॉलमार्ट (२१ लाख) हे अनुक्रमे दुसऱ्या व तिसऱ्या क्रमांकावर आहेत.

कर्जबुडव्यांना अटक करण्यासाठी नियम

  • बँकांकडून कर्जे घेऊन ती योग्य मुदतीत परत न करणाऱ्या, खोटे पत्ते देऊन पोबारा करणाऱ्या आणि त्यायोगे बँकांना फसवणाऱ्या कर्जबुडव्यांवर फौजदारी कारवाई करता यावी आणि वेळ पडल्यास त्यांना अटकही करता यावी व अशी कारवाई करण्याची प्रक्रिया सोपी व्हावी यासाठी रिझर्व्ह बँक केंद्रीय अर्थ मंत्रालयाबरोबर आखणी करत आहे.
  • देशातील बँकांनीही कर्जांची पुनर्रचना करण्यापूर्वी फसवेगिरीला आळा बसावा यासाठी अंतर्गत उपाययोजना करणे महत्त्वाचे आहे. 
  • फसवणूक करणाऱ्या कर्जदारांची माहिती बँकेला असणे आवश्यक आहे. अशा कर्जदारांवर कारवाई करता यावी यासाठी चौकशी पूर्ण करण्यासाठी निश्चित कालावधी असावा, असे रिझर्व्ह बँकेने केंद्रीय अर्थ मंत्रालयाला सुचवले आहे.

तेलंगणाच्या शाळेत नरसिंहरावांवर धडा

    Narasimha Rao
  • माजी पंतप्रधान पी.व्ही. नरसिंहराव यांच्या जीवनावरील इतिहास तेलंगणाच्या शाळेमधून शिकविण्याचा निर्णय तेलंगणा सरकारने घेतला आहे.
  • नरसिंहराव यांच्या ९४ व्या जयंतीच्या पार्श्वभूमीवर तेलंगणातील शाळेच्या अभ्यासक्रमात त्यांच्या जीवनावरील इतिहास समाविष्ट केला जाईल. 
  • राव यांचा जन्म २८जून १९२१ रोजी तेलंगणाच्या करीमनगर येथे झाला होता.

दीपक देशपांडे यांचा राजीनामा मंजूर

  • महाराष्ट्र सदन घोटाळाप्रकरणातील आरोपी आलेले राज्याचे माहिती आयुक्त दीपक देशपांडे यांच्या राजीनाम्याला राष्ट्रपतींची मंजूरी दिली आहे. दीपक देशपांडे हे माजी सार्वजनिक बांधकाम मंत्री छगन भुजबळ यांचे सहकारी मानले जातात. 
  • गेल्यावर्षी महाराष्ट्र सदन घोटाळ्याप्रकरणी छगन भुजबळ यांच्यावर गुन्हा दाखल झाल्यानंतर एसीबीने आपली कारवाई तीव्र करत दीपक देशपांडे यांच्या मुंबई आणि औरंगाबादमधील घरांवर छापे टाकले होते. दीपक देशपांडे हे तत्कालीन बांधकाम सचिव होते. त्यामुळेच एसीबीने त्यांच्या घरांवर छापा टाकले. 
  • पोलिसांनी मुंबई आणि औरंगाबादमधील घरांची झडती घेतली असता त्यात दीड किलो सोने, २७ किलो चांदी, २.५ कोटी रुपयांचे फिक्स डिपॉजिट आणि बॉन्ड्स, अनेक गुंतवणूक कंपन्यांचे ६ हजार शेअर्स असा ऐवज देशपांडेंकडे असल्याचे उघड झाले होते.

!!! जय महाराष्ट्र !!!

Monday, June 29, 2015

चालू घडामोडी - २८ जून २०१५ [Current Affairs - June 28, 2015]

एमएसएमई क्षेत्रासाठी स्वतंत्र जॉब पोर्टल

    MSME Job Portal
  • सूक्ष्म, लघु व मध्यम उद्योगांतून (एमएसएमई) रोजगार मिळवू इच्छिणाऱ्यांसाठी केंद्र सरकारने १६ जून रोजी www.eex.dcmsme.gov.in हे जॉब पोर्टल सुरू केले. 
  • याचा थेट फायदा देशात सध्या कार्यरत असणाऱ्या, एमएसएमई क्षेत्रातील सव्वा तीन कोटी युनटना होणार आहे. याशिवाय नव्याने नोकरीच्या शोधात असणाऱ्या तरुणांनाही याचा लाभ उठवता येणार आहे. एमएसएमई क्षेत्राला कुशल मनुष्यबळ मिळवण्यासाठी याचा उपयोग होणार आहे.
  • डिजिटल इंडिया, स्किल इंडिया व मेक इन इंडिया या तीन योजनांना पाठिंबा देण्यासाठी एमएसएमई मंत्रालयातर्फे हे एक प्रकारे इम्प्लॉयमेंट एक्स्चेंज तयार करण्यात आले आहे.
  • सध्या हे पोर्टल फक्त कारखानदारी (मॅन्युफॅक्चरिंग) क्षेत्रासाठी आहे. हळूहळू अन्य एमएसएमई क्षेत्रांचा समावेश यात करण्यात येईल. आगामी काळात या पोर्टलची रचनाही अधिक सुटसुटीत केली जाणार आहे. नोकरी शोधणाऱ्यांना या पोर्टलवर आपली माहिती विनाशुल्क नोंदवता येणार आहे.

लेहमधील ऐतिहासिक हेमिस महोत्सवाला प्रारंभ

  • सुमारे तीनशे वर्षांचा इतिहास लाभलेल्या (लेह) लडाखमधील ऐतिहासिक बौद्ध मठामध्ये हेमिस महोत्सवाला २८ जूनपासून उत्साहात प्रारंभ झाला. देश-परदेशातील शेकडो पर्यटकांनी या महोत्सवासाठी हजेरी लावली आहे.
  • बौद्ध भिक्खू गुरू पद्मसंभव ऊर्फ गुरू रिनपोचे यांच्या जयंतीनिमित्त या महोत्सवाचे आयोजन करण्यात येते. भूतान आणि तिबेटमधील बौद्ध धर्माच्या प्रचार आणि प्रसाराचे श्रेय पद्मसंभव यांनाच दिले जाते. .
  • चंद्राच्या गतीवर अवलंबून असणारे तिबेटियन दिनदर्शिकेतील पाचव्या महिन्यात दहा दिवस या महोत्सवाचे आयोजन केले जाते. या काळात येथील बौद्ध मठामध्ये धार्मिक पूजाविधी केले जातात.
  • या महोत्सवातील नृत्याविष्कारदेखील तंत्र विद्येशी संबंधित आहेत. जागतिक शांती आणि समृद्धतेसाठी हे नृत्याविष्कार महत्त्वपूर्ण मानले जातात.

श्री श्री रवि शंकर कोलंबियाच्या सर्वोच्च नागरी पुरस्काराने सन्मानित

    Shri Shri Ravi Shankar
  • अध्यात्मिक गुरु श्री श्री रवि शंकर यांना कोलंबियाच्या ‘ओरडेन डी ला डेमोक्रेसिया सिमॉन बोलीवर पुरस्कार’ या सर्वोच्च नागरी पुरस्काराने सन्मानित करण्यात आले. 
  • त्यांना हा पुरस्कार संघर्षग्रस्त क्षेत्रांमध्ये पुनर्वसन कार्य करण्याबद्दल आणि देण्यात आले शांततापूर्ण उद्देश्यांसाठी कार्य केल्याबद्दल प्रदान करण्यात आला आहे.
  • श्री श्री रविशंकर यांनी आर्ट ऑफ लिविंगची १९८१मध्ये स्थापना केली. या संस्थेचा उद्देश लोकांना दैनंदिन अडचणी, सामाजिक समस्या तसेच हिंसेपासून मुक्ती देणे हा आहे.
  • १९९७मध्ये त्यांनी मानवी गुण वाढविण्याच्या आणि जीवनाशी संबंधित समस्या दूर करण्याच्या उद्देशाने इंटरनॅशनल असोसिएशन फॉर ह्यूमन वैल्यूज़ (IAHV) या संस्थेची स्थापना केली.
  • कोलंबियाच्या सर्वोच्च नागरी पुरस्काराची सुरुवात १९८०मध्ये झाली. हा पुरस्कार आंतरराष्ट्रीय स्तरावर समाजसेवा करणाऱ्या लोकांना दिला जातो.

आता तुम्हीच मोजा तुमचा इन्कम टॅक्स

    Income Tax Department
  • करदात्यांनी त्यांचे आयकर विवरणपत्र अर्थात रिटर्न स्वत:च भरावे यासाठी आयकर विभाग ई-फायलिंगला प्रोत्साहन देत आहे.
  • नोकरदारांना त्यांचा इन्कम टॅक्स किती भरावा लागणार आहे, हे त्यांच्या कंपनीकडून कळत असते. परंतु याशिवाय अन्य करदात्यांनाही नेमका किती इन्कम टॅक्स भरावा लागेल, हे कळावे यासाठी आयकर विभागाने आपल्या वेबसाइटवर कॅल्क्युलेटर तयार केला आहे.
  • हा ऑनलाइन कम्प्युटर बेस्ड प्रोग्रॅम आहे. याचा वापर करून करदात्याला इन्कम टॅक्सचा भरणा किती करावा लागणार आहे हे कळल्याने ३१ ऑगस्ट या कर भरायच्या अंतिम तारखेच्या आत टॅक्स भरणे त्याला शक्य होईल. 
  • गुंतागुंतीच्या प्रक्रिया याच्या साह्याने करता येणार नाहीत. यासाठी प्रत्यक्ष रिटर्न भरताना त्या अर्जामध्ये इन्कम टॅक्सची मोजणी करावी लागणार आहे.
  • आयकर विभागाची वेबसाइट www.incometaxindia.gov.in वर हा आयकर कॅल्क्युलेटर उपलब्ध आहे.

न्यूझीलंडमधील उच्चायुक्तांची उचलबांगडी

    Ravi Thapar
  • न्यूझीलंडमधील भारताचे उच्चायुक्त रवी थापर यांच्या पत्नी शर्मिला थापर यांनी घरात कामाला असलेल्या नोकराचा छळ केल्यामुळं रवी थापर यांना परराष्ट्र मंत्रालयाने दिल्लीतील मुख्यालयात रुजू होण्याचे आदेश दिले आहेत. 
  • वेलिंग्टनमधील उच्चायुक्तांच्या अधिकृत निवासस्थानी आचाऱ्याचे काम करणाऱ्या एका कर्मचाऱ्याने थापर यांच्या पत्नी शर्मिला यांनी आपल्याला गुलामाची वागणूक देऊन मारहाण केल्याची तक्रार न्यूझीलंड पोलिसांसमोर केली होती. या प्रकरणाची पोलिसांमध्ये अधिकृत तक्रार करण्यात आली नाही. 
  • याबाबतची माहिती मिळताच भारतीय परराष्ट्र मंत्रालयानं चौकशी समिती नेमली होती. या समितीच्या अहवालानंतर थापर यांना परत बोलावण्यात आलं आहे.

रशियाचे माजी पंतप्रधान प्रिमाकोव यांचे निधन

  • रशियाचे माजी पंतप्रधान येवगेनी प्रिमाकोव यांचे वयाच्या ८५व्या वर्षी मॉस्को येथे निधन झाले. 
  • अमेरिकेकडे जाणारे त्यांचे विमान अ‍ॅटलांटिकवर असताना सर्बियात नाटोच्या बॉम्बहल्ल्यांमुळे वळवण्यात आल्याची घटना १९९९ मध्ये घडली होती.
  • ते मुरब्बी नेते, वैज्ञानिक होते. त्यांनी बोरिस येल्तसिन यांच्या अध्यक्षपदाच्या काळात म्हणजे १९९८-९९ दरम्यान पंतप्रधानपद भूषवले होते. १७ ऑगस्ट १९९८ मध्ये रशिया दिवाळखोरीत असताना ते पंतप्रधान झाले.

‘नासा’च्या यानाचा स्फोट

    SpaceX Falcon 9 Rocket Breaks Up After Launch With Space Station Cargo
  • अमेरिकी अवकाश संशोधन संस्थेच्या (नासा) यानाचा २८ जून रोजी उड्डाणानंतर काही वेळातच स्फोट झाला. 
  • स्पेसएक्स फाल्कन ९ या अवकाशयानाने फ्लोरिडा येथील केप कॅनव्हेराल येथील तळावरून आंतरराष्ट्रीय अवकाश स्थानकाच्या दिशेने उड्डाण केले. मात्र, काही वेळातच त्याचा स्फोट झाला. 
  • अवकाश स्थानकावर साहित्य घेऊन जाणारे हे मालवाहू यान असल्याने जीवितहानी झाली नाही. उड्डाणातील त्रुटींमुळेच यानाचा स्फोट झाला असावा, अशी शक्यता नासाने व्यक्त केली आहे.
  • फाल्कन-९ हे रॉकेट २०८ फूट लांबीचे असून या रॉकेटची १९ वी झेप होती. स्पेस-एक्स ही कंपनी ईलॉन मस्क यांची असून अंतराळ क्षेत्रात उतरल्यानंतर या कंपनीच्या वाट्याला आलेली ही पहिलीच दुर्घटना आहे.

पाकिस्तानला कर्जाचा ५० कोटी डॉलरचा हप्ता मंजूर

  • आंतरराष्ट्रीय नाणेनिधीने पाकिस्तानला ५०६.४ दशलक्ष डॉलर्सचा कर्जाचा हप्ता मंजूर केला आहे. देशाच्या आर्थिक सुधारणा व वाढीसाठी संपुट योजनेचा भाग म्हणून ही उपाययोजना करण्यात आली आहे. 
  • पाकिस्तानची आर्थिक स्थिती वाईट असून त्यांना या कर्जामुळे लाभ होणार आहे. तीन वर्षांच्या कालावधीसाठी हे कर्ज मंजूर करण्यात आले आहे.
  • पाकिस्तानच्या जानेवारी ते मार्च २०१५ या काळातील आर्थिक स्थितीचा सातव्यांदा आढावा घेतल्यानंतर हे कर्ज मंजूर करण्यात आले आहे. त्यामुळे इस्लामाबादला पुढील आठवडय़ात कर्जाचा आठवा हप्ता दिला जाणार आहे.
  • सप्टेंबर २०१३ मध्ये आंतरराष्ट्रीय नाणेनिधीने तीन वर्षांसाठी विस्तृत निधी सुविधा म्हणून ६.६ अब्ज डॉलर्सचा हप्ता मंजूर केला होता. नव्या कर्ज हप्त्याला मंजुरी मिळाल्याने आंतरराष्ट्रीय नाणेनिधीने पाकिस्तानला दिलेली रक्कम २०१३ पासून ४.१ अब्ज डॉलर्स झाली आहे. 

!!! जय महाराष्ट्र !!!

Sunday, June 28, 2015

चालू घडामोडी - २७ जून २०१५ [Current Affairs - June 27, 2015]

‘नो ऍक्सिडेंट डे’

  • देशात प्रथमच उत्तर प्रदेश सरकारने १ जुलै रोजी ‘नो ऍक्सिडेंट डे’ साजरा करण्याचा निर्णय घेतला आहे. 
  • या दिवशी जिल्हा प्रशासनाने आवश्यक त्या उपाययोजना कराव्यात, असे निर्देश राज्य सरकारने जिल्हा प्रशासनाला दिले आहेत. 
  • यासंबंधीचे पत्र राज्य सरकारकडून सर्व राज्य परिवहन आयुक्तांना पाठविण्यात आले आहेत, अशी माहिती सूत्रांनी दिली. 
  • या दिवशी राज्यातील सर्वच भागातील अपघात रोखणे शक्य होणार नाही. पण अपघातप्रवण भागामध्ये ३० जूनच्या मध्यरात्रीपासून पोलिस तैनात करण्यात येतील.

अमेरिकेच्या सर्व राज्यांमध्ये समलिंगी विवाहाला मान्यता

  • समलिंगी व्यक्तींना अमेरिकेतील ५० प्रांतांत कुठेही विवाहबद्ध होण्याचा अधिकार आहे, असा निर्णय अमेरिकेच्या सुप्रीम कोर्टाने २६ जून रोजी दिला.
  • अमेरिकेच्या ३६ राज्यांमध्ये आणि कोलंबिया डिस्ट्रिक्टमध्ये पुरुष समलिंगी (गे) आणि स्त्री समलिंगी (लेस्बियन) जोडप्यांना लग्न करण्याची परवानगी आहे. आता दक्षिण आणि मध्य-पश्चिम भागातील उर्वरित १४ राज्यांनाही समलिंगी लग्नांवरील बंदीची अंमलबजावणी थांबवावी लागेल, असा निर्णय न्यायालयाने ५ विरुद्ध ४ अशा बहुमताने दिला आहे. 
  • अनेक राज्यांच्या कायद्यानुसार लग्नाची व्याख्या ‘पुरुष व स्त्री यांचे एकत्रीकरण’ अशी होती व हाच सुप्रीम कोर्टातील अनेक खटल्यांतील वादाचा विषय होता. ‘लग्नापेक्षा कुठलाही संबंध सखोल नाही’, असे न्यायाधीश अँथनी केनेडी यांच्यासह इतर चार लिबरल न्यायाधीशांनी निकालपत्रात नमूद केले आहे.
  • कुठल्याही निकालाच्या फेरविचाराची विनंती करण्यासाठी न्यायालय हरणाऱ्या पक्षाला सुमारे तीन आठवडय़ांची मुदत देते. त्यामुळे या निकालाची अंमलबजावणी लगेचच होणार नाही.

‘अरे यार’, ‘भेळपुरी’ हे शब्द ऑक्सफर्डमध्ये

    Oxford Dictionaries
  • भारतीयांच्या तोंडून सहज बाहेर पडणारा ‘अरे यार’ या शब्दाला जागतिक मान्यता मिळाली आहे. जगभरात वाचल्या जाणाऱ्या ऑक्सफर्ड डिक्शनरीमध्ये 'अरे यार' या शब्दाला मानाचे स्थान दिले असून त्याबरोबरच चुडीदार, भेळपुरी आणि ढाबा या शब्दांनाही ऑक्सफर्डमध्ये समाविष्ट करण्यात आले आहेत.
  • ऑक्सफर्डच्या नव्या आवृत्तीत अलीकडेच ५०० नव्या शब्दांची भर घालण्यात आली आहे. या सर्वच शब्दांना स्वत:चे सांस्कृतिक, ऐतिहासिक आणि भाषिक महत्त्व आहे. त्यामुळं या शब्दाला पर्यायी शब्द वापरणं योग्य ठरले नसते. म्हणूनच हे शब्द जसेच्या तसे डिक्शनरीत समाविष्ट करण्याचा निर्णय घेण्यात आला आहे. 
  • १८४५पासून आतापर्यंत अनेक शब्दांचा ऑक्सफर्डच्या शब्दकोशात समावेश करण्यात आला आहे. 'चुडीदार' या शब्दाचा इंग्रजी भाषेतील उल्लेख प्रथम १८८०मध्ये करण्यात आल्याचा कागदोपत्री पुरावा उपलब्ध आहे. त्यानंतर तब्बल १३५वर्षानंतर या शब्दाला इंग्रजी शब्दांच्या यादीत स्थान मिळाले आहे. 
  • ‘अरे यार’ शब्दाचा इतिहासही पूर्वापार चालत आला आहे. १८४५ मध्ये या शब्दाचा उल्लेख झाल्याचे आढळते. अशाप्रकारे इतर काही ऐतिहासिक आणि रोजच्या वापरातील शब्द डिक्शनरीमध्ये समाविष्ट केले गेले आहेत.

भारताचा सतनाम सिंग एनबीए बास्केटबॉल लीगमध्ये

    Satnam Singh
  • भारताच्या सतनाम सिंग या बास्केटबॉलपटूने इतिहास घडवला आहे. जगातील सर्वात लोकप्रिय असलेल्या एनबीए (नॅशनल बास्केटबॉल असोसिएशन) या अमेरीकेच्या बास्केटबॉल लीग स्पर्धेसाठी त्याची निवड झाली आहे. विशेष म्हणजे या स्पर्धेसाठी निवड झालेला सतनाम हा पहिला भारतीय असल्याने जागतिक बास्केटबॉल क्षेत्रामध्ये भारताचे नाव चमकले आहे.
  • ७ फूट २ इंच उंचीचा सतनाम एनबीएमध्ये डैलस मैवरिक्स या संघाकडून खेळणार असून एनबीए स्पर्धेच्या एकुण ७१ वर्षांच्या इतिहासामध्ये खेळणार तो पहिला भारतीय ठरणार आहे. 
  • सतनाम सिंग भामरा असे पुर्ण नाव असलेला हा खेळाडू अमेरीकेच्या फ्लोरीडा शहरातील आयएमजी अकादमीमध्ये शिकत असून या कालवधीत कॉलेज स्तरावरील बास्केटबॉल स्पर्धांत सतनामने आपल्या कामगिरीने सर्वांचेच लक्ष वेधून घेतले. यामुळेच डैलस मैवरिक्स संघाने त्याला करारबध्द केले. 
  • विशेष म्हणजे डैलस संघाने २०११ साली एनबीएचे विजेतेपद पटकावले होते. शिवाय या संघामध्ये डर्क नोविट्जस्की सारख्या स्टार खेळाडंूचा समावेश आहे.
  • गुरसिमरन ‘सिम’ भुल्लर एप्रिल महिन्यात सैक्रोमेंटो किंग्स संघाकडून एनबीए स्पर्धेत खेळणारा पहिला भारतीय वंशाचा खेळाडू ठरला होता.

सिरियातील कोबाने शहरात इसिसचा हिंसाचार

  • सिरियातील कोबाने शहर ताब्यात घेतल्यानंतर इसिस संघटनेच्या दहशतवाद्यांनी २४ तासात झालेल्या हिंसाचारात १४६ नागरिकांना ठार मारले आहे. इसिस या इस्लामिक संघटनेकडून सिरियात झालेला हा सर्वाधिक भीषण हिंसाचार आहे.
  • कोबाने हे शहर कुर्दिश प्रतिकाराचे प्रतीक बनल्याने इसिसचे क्रौर्य कळसाला पोहोचले आहे. इसिसच्या आत्मघाती बॉम्बरने कोबाने शहराच्या प्रवेशद्वारात स्वत:चे स्फोट घडवून आणले व येणारी वाहने उडविण्यात आली. मागून येणाऱ्या इसिसच्या जिहादींसाठी रस्ता मोकळा करण्यात आला. 
  • मृत नागरिकांत महिला व लहान मुले आहेत. त्यांचे मृतदेह रस्त्यावर पडलेले आहेत. शहरात आलेल्या इसिसच्या जिहादींनी घराघरात शिरून गोळीबार केला.

विश्वनाथन आनंदला उपविजेतेपद

    Viswanathan Anand
  • माजी जगज्जेत्या विश्वनाथन आनंदने नॉर्वे क्लासिकल बुद्धिबळ स्पर्धेत नवव्या आणि अंतिम फेरीत बल्गेरियाच्या व्हॅसेलिन टोपालोवविरुद्ध झटपट बरोबरी स्वीकारली. टोपालोव ६.५ गुणांसह निर्विवाद विजेता ठरला.
  • नॉर्वेमध्ये ही स्पर्धा झाली. 'इंग्लिश ओपनिंग' पद्धतीत झालेला लेव्हॉन अरोनियन - हिकारू नाकामुरा डावात नाकामुराने विजय प्राप्त केला. यामुळे आनंद व नाकामुरा यांचे समान सहा गुण झाले. टायब्रेकमध्ये आनंद सरस ठरल्याने आनंदला उपविजेता म्हणून घोषित करण्यात आले. 
  • उपविजेतेपदाबरोबरच या स्पर्धेत आनंदने १२ एलो गुणांची कमाई केली. पुढील फिडे यादीत २८१६ एलो गुणांसह आनंद जागतिक क्रमवारीत पुन्हा दुसऱ्या स्थानी आरूढ झालेला असेल. 
  • विजेत्या टोपालोवला ७५ हजार, उपविजेत्या आनंदला ५० हजार आणि नाकामुराला ४० हजार डॉलरचे बक्षीस मिळाले.
  • या स्पर्धेत नॉर्वेच्या हॅमरने बुद्धिबळ विश्वाचे लक्ष आपल्याकडे वेधून घेतले. स्पर्धेत २६७७ एलो गुणांचे सर्वांत शेवटचे मानांकन असलेल्या हॅमरने शांतपणे व एकाग्रतेने जगज्जेत्या कार्लसनला पराभूत केले.

!!! जय महाराष्ट्र !!!

Saturday, June 27, 2015

चालू घडामोडी - २६ जून २०१५ [Current Affairs - June 26, 2015]

एकदिवसीय क्रिकेटमधील नियमांमध्ये बदल

    ICC Logo
  • एकदिवसीय आंतरराष्ट्रीय क्रिकेटमधील नव्या नियम बदलांना आंतरराष्ट्रीय क्रिकेट परिषदेने (आयसीसी) मान्यता दिली आहे. 
  • आयसीसीची वार्षिक बैठक बार्बाडोस येथे पार पडली. आयसीसी क्रिकेट समितीने काही बदल करण्याच्या शिफारसी केल्या होत्या. त्या शिफारसी या बैठकीत आयसीसीच्या मुख्य कार्यकारी समितीने स्वीकारल्या. 
  • आयसीसीचे चेअरमन एन. श्रीनिवासन यांच्या अध्यक्षतेखाली झालेल्या बैठकीत नवे नियम ५ जुलैपासून लागू करण्याचाही निर्णय घेण्यात आला.
  • या नव्या नियमांमुळे बॅट आणि बॉलमध्ये समतोल राहणार असून, एकदिवसीय क्रिकेट आणखी रोचक होणार आहे. 

एकदिवसीय सामन्यांच्या नियमावलीत करण्यात आलेले महत्त्वपूर्ण बदल पुढीलप्रमाणे

  • पहिल्या १० षटकांमध्ये आता कॅचिंग पोझिशनवर क्षेत्ररक्षक ठेवणे अनिवार्य नाही.
  • १५ ते ४० षटकांमध्ये आता बॅटिंग पॉवरप्ले मिळणार नाही.
  • ४१ ते ५० षटकांदरम्यान आता ३० यार्डांच्या सर्कलबाहेर चारऐवजी आता पाच क्षेत्ररक्षक ठेवण्याची परवानगी.
  • कोणत्याही नो-बॉलवर आता फलंदाजाला फ्री हिटची संधी देण्यात येईल.

२००५ पूर्वीच्या नोटा बदलण्यास मुदतवाढ

  • सन २००५ पूर्वीच्या जुन्या नोटा बदलून घेण्यासाठी सध्या असलेली ३० जून ही अंतिम मुदतीत रिझर्व्ह बँकेने सहा महिन्यांनी वाढवली आहे. 
  • आता नागरिकांना ३१ डिसेंबरपर्यंत जुन्या नोटा बदलता येणार आहे. जुन्या नोटा बदलण्यासाठी त्या संबंधित ग्राहकांनी आपल्या बँक खात्यात जमा कराव्यात किंवा कोणत्याही जवळच्या बँक शाखेत जाऊन बदलून घ्याव्यात, असे रिझर्व्ह बँकेने सुचवले आहे. 
  • दिलेल्या मुदतीत २००५पूर्वीच्या नोटा बदलून घेणे शक्य न झाल्यास त्यानंतरही या नोटा चलनात राहतील, असेही रिझर्व्ह बँकेने स्पष्ट केले आहे.

एशियन ग्रां. प्रि. अॅथलेटिक्स सीरिज स्पर्धेतील दुसऱ्या टप्प्यात

  • एशियन ग्रां. प्रि. अॅथलेटिक्स सीरिज स्पर्धेतील दुसऱ्या टप्प्यात भारताने तीन सुवर्ण, दोन रौप्य आणि पाच कांस्यसह एकूण दहा पदकांची कमाई केली. बँकॉकमध्ये झालेल्या पहिल्या टप्प्यात भारताने एकूण ८ पदके मिळवली होती.
  • भारताच्या इंदरजित सिंग आणि जिन्सन जॉन्सन यांनी स्पर्धेतील दुसऱ्या टप्प्यातही सुवर्णपदकावर नाव कोरले. भारताला तिसरे सुवर्ण अरोक्या राजीवने मिळवून दिले. 
  • दुसऱ्या टप्प्यात गोळा फेकमध्ये इंदरजितसिंगने १९.८५ मीटर अशी कामगिरी नोंदवून सुवर्णपदक जिंकले. पहिल्या टप्प्यात त्याने १९.८३ मीटर अशी कामगिरी नोंदवली होती. इंदरजितचे हे या महिन्यातील आंतरराष्ट्रीय स्पर्धेतील तिसरे सुवर्णपदक आहे. 
  • पुरुषांच्या ८०० मीटरच्या शर्यतीत जॉन्सनने १ मिनिट ४९.८५ सेकंद अशी कामगिरी नोंदवून अव्वल क्रमांक मिळवला. 
  • लांब उडीमध्ये अंकित शर्माने रौप्यपदक मिळवले. त्याने ७.८० मीटर अशी कामगिरी नोंदवली. पहिल्या टप्प्यातही अंकितने रौप्यपदक मिळवले होते.
  • महिलांच्या ८०० मीटरच्या शर्यतीत एम. गोमंतीने २ मिनिटे ६.२५ सेकंद अशी वेळ नोंदवून रौप्यपदक पटकावले. 
  • महिलांच्या १०० मीटर अडथळा शर्यतीत गायत्री गोविंदराजने (१३.६६ से.), १०० मीटर स्प्रिंटमध्ये एस. नंदाने (११.७२ से.), ४०० मीटर धावण्याच्या शर्यतीत एम. आर. पूर्वम्मा (५२. ७२ से.) ब्राँझपदक मिळवले. 
  • भारताला दोन ब्राँझपदके पुरुष आणि महिला ४ बाय १०० मीटर रिलेत मिळाली. पुरुष संघाने ३९.६० सेकंद अशी, तर महिलांनी ४५.३३ सेकंद अशी वेळ नोंदवली.

जलतरणपटू रोहन मोरेला ‘हॉल ऑफ फेम’चा बहुमान

  • पुण्याचा जलतरणपटू रोहन मोरे याने इंग्लिश खाडी, कॅटेलिनाखाडीपाठोपाठ मॅनहॅटन आयलंड (न्यूयॉर्क) मोहिम फत्ते करत वर्ल्ड ओपन वॉटर स्विमिंग फेडरेशनच्या ‘हॉल ऑफ फेम’चा बहुमान मिळविला. 
  • अशी कामगिरी करणारा रोहन दुसराच भारतीय ठरला आहे. ३० वर्षांपूर्वी तारानाथ नारायण शेनॉय यांनी अशी कामगिरी केली होती.
  • न्यूयॉर्कमधील स्टॅच्यू ऑफ लिबर्टीच्या भोवतीची ४५.८ किलोमीटर अंतराची मॅनहॅटन आयलंड मोहिम रोहनने ७ तास ४३ मिनिटांत फत्ते केली. 
  • यापूर्वी रोहनने इंग्लिश खाडी (३३.६ कि.मी.) मोहिम १३ तास १३ मिनिटांत, तर दक्षिण कॅलिफोर्नियातील कॅटेलिना खाडी मोहिम (३३.७ कि.मी) १० तास १७ मिनिटांत फत्ते केली होती.

शेअर बाजारात फेसबुक वॉलमार्टच्या पुढे

    Facebook
  • शेअर बाजारात फेसबुकचे बाजारमूल्य वॉलमार्टपेक्षा वाढल्याने फेसबुक ही कंपनी आता वॉलमार्टपेक्षा मोठी ठरली आहे. 
  • जगातील सर्वांत मोठी सोशल नेटवर्किंग साइट असणाऱ्या फेसबुकच्या या कामगिरीमुळे शेअर बाजारात सर्वोच्च भागभांडवल असणाऱ्या पहिल्या दहा कंपन्यांच्या यादीतून वॉलमार्ट बाहेर पडली आहे. 
  • अमेरिकी शेअर बाजारात सध्या ऍपल, मायक्रोसॉफ्ट आणि गुगल सर्वाधिक भागभांडवल असणाऱ्या कंपन्यांच्या यादीत अव्वल स्थानी आहे. आता फेसबुक त्यांना सामील होण्याच्या मार्गावर आहे. 
  • ‘फॅक्टसेट’च्या आकडेवारीनुसार फेसबुकचे बाजारमूल्य २३८ अब्ज डॉलर झाले आहे. वॉलमार्टचे बाजारमूल्य २३४ अब्ज डॉलर आहे.

व्हेअर बॉर्डर्स ब्लीड : ऍन इनसाइडर्स अकाउंट ऑफ इंडो-पाक रिलेशन्स

    Where Borders Bleed
  • १९९२ ते १९९४ या काळात कराचीमध्ये भारताचे वाणिज्यदूत म्हणून काम पाहिलेले राजीव डोग्रा यांनी त्यांच्या ‘व्हेअर बॉर्डर्स ब्लीड : ऍन इनसाइडर्स अकाउंट ऑफ इंडो-पाक रिलेशन्स’ या पुस्तकात दोन्ही देशांदरम्यानच्या अनेक वादग्रस्त मुद्यांविषयी भाष्य केल्यामुळे हे पुस्तक चेचेत आले आहे.
  • दोन्ही देशांदरम्यानच्या ऐतिहासिक, राजनैतिक आणि लष्करी मुद्‌द्‌यांचा समावेश असलेल्या सुमारे ७० वर्षांतील संघर्ष पुस्तकात मांडण्यात आला आहे. फाळणी, इतिहास, त्यामुळे झालेली भांडणे, लॉर्ड माउंटबॅटन आणि महंमद अली जीनांपासून अटलबिहारी वाजपेयी आणि मनमोहनसिंग यांच्यापर्यंतच्या आकडेवारीवर आधारित दोन्ही देशांच्या कथेवर प्रकाश टाकण्यात आला आहे. 
  • कारगिलसारखी लष्करी कारवाई करण्याची तत्कालीन डीजीएमओ मेजर जनरल परवेज मुशर्रफ यांची संकल्पना बेनझीर यांनी कशी मोडीत काढली हे डोग्रा यांनी बेनझीर यांच्याच एका मुलाखतीचा हवाला देत स्पष्ट केले आहे. 
  • ऐतिहासिक दिल्ली-लाहोर बसमध्ये बसून प्रवास केल्याबद्दल तत्कालीन पंतप्रधान अटलबिहारी वाजपेयी यांचे स्वागत करणारे पाकिस्तानचे पंतप्रधान नवाज शरीफ यांना पाकिस्तानी सैनिकांनी कारगिलच्या शिखरांवर कब्जा केल्याचे ठाऊक होते, असा दावा डोग्रा यांनी केला आहे. 
  • तसेच मुंबईमध्ये १९९३ साली झालेल्या साखळी बॉंबस्फोटांविषयी पाकिस्तानचे तत्कालीन पंतप्रधान नवाज शरीफ यांना आधीच माहिती होती आणि प्रत्यक्षात त्यासाठी त्यांनीच मान्यता दिली होती, असा दावा लेखकाने केला आहे.
  • भारतीय विदेश सेवेच्या १९७४ च्या तुकडीचे अधिकारी असलेले राजीव डोगरा यांनी इटाली, रोमानिया, माल्डोव्हा, अल्बानिया आणि सॅन मरिनो या देशांमध्ये राजदूत म्हणून, तसेच संयुक्त राष्ट्रसंघाच्या रोम येथील संस्थांमध्ये भारताचे कायम प्रतिनिधी म्हणूनही काम केले आहे. त्यांचे पुस्तक रूपा प्रकाशनाने प्रकाशित केले आहे.

लिअँडर पेसचा शंभर पुरुष सहकाऱ्यांसह खेळण्याचा विक्रम

  • चाळिशीतही ग्रँडस्लॅम जेतेपद नावावर करणाऱ्या लिअँडर पेसने शंभर पुरुष सहकाऱ्यांसह खेळण्याचा विक्रम नावावर केला आहे. हा विक्रम प्रस्थापित करणारा तो ४७वा खेळाडू ठरला आहे. सध्या ब्रिटनमधील नॉटिंगहॅमला सुरू असलेल्या ग्रासकोर्टवरील स्पर्धेत तो स्पेनच्या मार्सेल ग्रॅनोलर्स याच्या साथी सहभागी झाला आहे. ग्रॅनोलर्स त्याचा शंभरावा जोडीदार ठरला आहे.

सर्वाधिक यशस्वी जोड्या

    Leander Paes
  • या शंभर सहकाऱ्यांमध्ये पेसची सगळ्यात यशस्वी जोडी भारताच्या महेश भूपतीशी ठरली.  पेसने भूपतीच्या बरोबरीने खेळताना तीन ग्रँडस्लॅम जेतेपदांवर नाव कोरले. राडेक स्टेपानेक आणि ल्युकास डौल्ही या चेक प्रजासत्ताकच्या सहकाऱ्यांसह पेसने प्रत्येकी दोन तर मार्टिन डॅमसह एका ग्रँडस्लॅम जेतेपदावर नाव कोरले.
  • नुकत्याच झालेल्या फ्रेंच खुल्या स्पर्धेत पहिल्या फेरीतील विजयासह कारकीर्दीत ७०० विजय मिळवणारा पेस केवळ आठवा खेळाडू ठरला होता. मात्र ५० जेतेपदे आणि ७०० विजय हा विक्रम करणारा पेस एकमेव खेळाडू आहे.

आठ जणांसह अव्वल

  • जागतिक क्रमवारीत पेसने आठ जोडीदारांसह अव्वल स्थान मिळविले आहे. यात महेश भूपती, डॅनिएल नेस्टर, योनास ब्योर्कमन, मार्क नोल्स, बायरन ब्लॅक, डोनाल्ड जॉन्सन आणि जॅरेड पामर यांचा समावेश आहे. 

सर्वाधिक जोडीदारांबरोबर खेळण्याचा विक्रम

  • सर्वाधिक १६८ जोडीदारांबरोबर खेळण्याचा विक्रम नेदरलॅंड्‌सच्या सॅंडर ग्रोएनच्या नावावर आहे. त्यानंतर लिबॉर पीमेक (१५५), रॉजर वॅस्सेन (१५१) हे दुसऱ्या व तिसऱ्या स्थानावर आहेत.

!!! जय महाराष्ट्र !!!

Friday, June 26, 2015

चालू घडामोडी - २५ जून २०१५ [Current Affairs - June 25, 2015]

आणीबाणीची चाळिशी

    Smt. Indira Gandhi
  • २५ जून : आणीबाणी लागू करण्याच्या घटनेला चाळीस वर्षे पूर्ण. माजी पंतप्रधान इंदिरा गांधी यांच्या नेतृत्वाखालील कॉंग्रेस सरकारने २५ जून १९७५ रोजी देशात आणीबाणी लागू करण्याची घोषणा केली होती.
  • नंतर आणीबाणीच्या पार्श्‍वभूमीवर देशातील राजकारण आणि समाजकारणात पुढील १२ महिन्यांत अनेक घटना घडल्या. एकूणच आणीबाणी लादण्याच्या इंदिरा गांधी यांच्या निर्णयामुळे अवघा भारत देश ढवळून निघाला. या घटनेमुळे देशाच्या राजकारणाला वेगळी कलाटणी मिळाली.

सचिन तेंडुलकर २१व्या शतकातील सर्वोत्तम कसोटी खेळाडू

    SACHIN Greatest Test Cricketer of 21st Century
  • भारताचा महान फलंदाज सचिन तेंडुलकर याची २१व्या शतकातील सर्वोत्तम कसोटी खेळाडू म्हणून निवड करण्यात आली आहे.
  • ‘क्रिकेट ऑस्ट्रेलिया’ या वेबसाईटतर्फे करण्यात आलेल्या सर्वेक्षणात चाहत्यांनी सचिनला हा गौरव बहाल केला आहे. 
  • या सर्वेक्षणासाठी २१व्या शतकातील १०० सर्वोत्तम कसोटी खेळाडुंमधून एका खेळाडुची निवड करण्याचा पर्याय देण्यात आला होता. त्यामध्ये सचिन तेंडुलकरने सर्वाधिक मते मिळवत बाजी मारली. तर श्रीलंकेचा कुमार संगाकारा आणि ऑस्ट्रेलियाचा अॅडम गिलख्रिस्ट यांनी अनुक्रमे दुसरे आणि तिसरे स्थान मिळवले आहे. 
  • या सर्वेक्षणात तब्बल १६००० लोकांनी सहभाग घेतला होता. त्यापैकी २३ टक्के लोकांनी सचिन तेंडुलकर तर १४ टक्के लोकांनी कुमार संगाकाराच्या नावाला पसंती दिली. 
  • तब्बल दहा दिवस सुरु असलेल्या या सर्वेक्षणात २००० सालापासूनच्या कसोटी खेळाडुंचा समावेश करण्यात आला होता. मात्र, लिटील मास्टर सचिनने या सगळ्यांवर मात करत अग्रस्थान पटकावले. 
  • विशेष म्हणजे ऑस्ट्रेलियन क्रिकेट बोर्डाने केलेल्या स्वत: जाहीर केलेल्या यादीत सचिन पाचव्या क्रमांकावर होता. मात्र, सचिनने थेट पहिल्या स्थानावर झेप घेतल्याने रिकी पाँटिंग आणि जॅक कॅलिस या सर्वेक्षणात काहीसे पिछाडीवर पडल्याची माहिती वेबसाईटकडून देण्यात आली. 
  • आंतरराष्ट्रीय क्रिकेटमध्ये कसोटी आणि एकदिवसीय दोन्ही प्रकारांमध्ये सचिनच्या नावावर सर्वाधिक धावा करण्याचा विक्रम आहे.

नागपूरसह सहा ठिकाणी आयआयएम

    IIM Nagpur
  • नागपूरसह देशातील सहा ठिकाणी नव्याने इंडियन ‌इन्स्टिट्यूट ऑफ मॅनेजमेंटची (आयआयएम) (भारतीय व्यवस्थापन संस्था) स्थापना करण्याच्या प्रस्तावास मंत्रिमंडळाच्या बैठकीत मंजुरी देण्यात आली. 
  • विशाखापट्टणम (आंध्र प्रदेश,) बोधगया (बिहार), सिरमौर (हिमाचल प्रदेश), संबळपूर (ओडिशा) आणि अमृतसर (पंजाब) येथे अन्य पाच आयआयएम असतील. 
  • येत्या शैक्षणिक वर्षापासूनच या संस्था विविध व्यवस्थापन अभ्यासक्रम सुरू करतील. 
  • प्रत्येक संस्थेत पदव्युत्तर अभ्यासक्रमासाठी १४० विद्यार्थ्यांना प्रवेश दिला जाणार असून कॅट (कॉमन ऍडमिशन टेस्ट) मार्फत प्रवेशप्रक्रिया पार पाडली जाईल. दरवर्षी विद्यार्थ्यांच्या संख्येत वाढ केली जाणार असून सात वर्षानंतर प्रत्येक संस्थेतील विद्यार्थ्यांची संख्या ५६० विद्यार्थ्यांपर्यंत वाढविली जाईल.
  • देशात याआधी १३ आयआयएम आहेत.

नेपाळला भारताची १ अब्ज डॉलरची मदत

  • नेपाळमध्ये आंतरराष्ट्रीय दाता परिषद २५ जून रोजी पार पडली. या परिषदेत भूकंपामुळे उध्वस्त झालेल्या नेपाळच्या पुन:उभारणीसाठी भारत तब्बल १ अब्ज डॉलरची आर्थिक मदत देणार असल्याचे परराष्ट्र मंत्री सुषमा स्वराज यांनी जाहीर केले. 
  • आता एक अब्ज डॉलरची मदत करण्यात येणार असून, आणखी एक अब्ज डॉलरची मदत पुढील पाच वर्षांत करण्यात येणार असून, एकूण मदतीचा आकडा दोन अब्ज डॉलरवर गेला आहे. नेपाळच्या दोन दिवसीय दौऱ्यावर असलेल्या सुषमा स्वराज यांनी काही भागांची पाहणी केली. 
  • याच परिषदेत चीनने ४८.३ कोटी डॉलरची मदत जाहीर केली असून, नेपाळच्या शाश्वत विकासासाठी मदत करण्याचे आश्वासन दिले. तसेच, चीन ‘सिल्क रोड फंड’मधून वेळोवेळी मदत करणार असून, पुढील वर्षभरात दीड हजार नेपाळी नागरिकांना प्रशिक्षण देण्यात येईल, असे चीनचे परराष्ट्रमंत्री वॅंग यी यांनी जाहीर केले. 
  • जपाननेही २६ कोटी डॉलरची मदत नेपाळसाठी जाहीर केली आहे. यातून घरे, शाळा आणि पायाभूत सुविधांची उभारणी करण्यावर भर देण्यात येणार आहे.
  • २५ एप्रिल भूकंपामुळे नेपाळचे प्रचंड नुकसान झाले. सुमारे ९००० लोक मृत्यूमुखी पडले. त्यावेळी झालेल्या जीवित आणि वित्तहानीमुळे नेपाळ मोठ्या संकटात सापडले. पुरातन मंदिरे, वास्तू, सरकारी कार्यलय, हॉस्पिटल यांचेही प्रचंड नुकसान झाले. 
  • नेपाळच्या अर्थ व्यवस्थेत पर्यटनाचा मोठा वाटा आहे. पण भूकंपामुळे पर्यटकांनीही पाठ फिरवल्याने नेपाळला मोठ्या मदतीची गरज असताना भारताने पुढाकार घेतला आहे.

स्मार्ट सिटी आणि अमृत योजना

  • शहरी भारताचा चेहरामोहरा बदलण्याच्या उद्देशाने चार लाख कोटी रुपये गुंतवणुकीच्या तीन महत्त्वाकांक्षी योजनांची घोषणा २५ जूनला पंतप्रधान नरेंद्र मोदी यांनी केली. 
  • १०० स्मार्ट शहरांचा विकास, अटल शहरी पुनरुज्जीवन आणि परिवर्तन मिशन (एएमआरयूटी) तसेच पंतप्रधान आवास योजना, ही शहर विकासाची सुसाट इंजिने मानल्या जाणाऱ्या योजनांच्या अंमलबजावणीत राज्य सरकारे, स्थानिक स्वराज्य संस्थांचा सहभाग महत्त्वाचा ठरणार आहे.
  • या योजनांबद्दल सविस्तर माहिती आम्ही लवकरच प्रकाशित करू.

रिन्युएबल एनर्जी कॉर्पोरेशन ऑफ इंडिया (रेकी)

  • केंद्र सरकारने सोलर एनर्जी कॉर्पोरेशन ऑफ इंडियाची (सेकी) नोंदणी व्यवसायिक कंपनी म्हणून करण्याच्या प्रस्तावाला मान्यता दिली आहे. आता सेकीचे नाव रिन्युएबल एनर्जी कॉर्पोरेशन ऑफ इंडिया (रेकी) असे होईल. 
  • यामुळे अपारंपरिक ऊर्जा प्रकल्पांना गती येण्यासाठी पोषक परिस्थिती निर्माण झाली आहे.
  • सेकी ही सध्या कायद्यांतर्गत सेक्शन-८ प्रकारची कंपनी आहे. या विभागांतर्गत समाजासाठी काम करणाऱ्या कंपन्यांची स्थापना व नोंदणी करता येते. यामुळे अशा कंपनीला व्यवसाय करण्यास तसेच व्यावसायिक लाभ मिळवण्यास पूर्णपणे बंदी आहे. 
  • अपारंपरिक ऊर्जेसारखे क्षेत्र ही काळाची गरज असल्यामुळे सेकीची नोंदणी बदलून तिला व्यावसायिक कंपनीचा दर्जा देणे आवश्यक होते. 
  • आता सेकीची नोंदणी कंपनी कायद्याच्या सेक्शन-३ अंतर्गत होणार असल्यामुळे नव्याने स्थापन होणाऱ्या रेकी या कंपनीला स्वत:च्या मालकीचा सौरऊर्जा प्रकल्प उभारणे, त्यातून निर्माण होणारी वीज व्यावसायिक स्तरावर विकणे तसेच सौरऊर्जेवर चालणाऱ्या उत्पादनांची निर्मिती करणे शक्य होणार आहे.
  • कॅबिनेटची मंजुरी मिळाल्यामुळे सेकी ही कंपनी कंपनी रजिस्ट्रारकडे सेक्शन-३ अंतर्गत नोंदणी करून घेण्यासाठी अर्ज करेल आणि नाव बदलून रेकी हे नवे नाव धारण करेल. 
  • सेकीला संपूर्णत: व्यावसायिक कंपनी म्हणून वावरताना कोणतीली अडचण येऊ नये, यासाठीच या कॉर्पोरेशनची नोंदणी कंपनी कायदा सेक्शन-३ अंतर्गत नव्याने केली जाणार आहे. 
  • नवी रेकी ही कंपनी आपले कार्यक्षेत्र सौरऊर्जेपुरतेच मर्यादित ठेवणार नसून त्याखेरीज अन्य अपारंपरिक ऊर्जाक्षेत्रांमध्येही ही कंपनी काम करणार आहे. यामध्ये जिओथर्मल, ऑफशोअर विंड, टायडल अशा ऊर्जांचाही समावेश असणार आहे.

जोकोविच, सेरेनाला अव्वल सीडिंग

  • सर्बियाचा नोव्हाक जोकोविच आणि अमेरिकेची सेरेना विल्यम्स यांना विम्बल्डन टेनिस स्पर्धेत अनुक्रमे पुरुष आणि महिला गटात अव्वल सीडिंग देण्यात आले आहे. 
  • ही स्पर्धा दोन वेळा जिंकणाऱ्या रफाएल नदालला दहावे सीडिंग आहे. नदालने २००८ आणि २०१०मध्ये ही स्पर्धा जिंकली आहे.

सीडेड खेळाडूंची यादी (अव्वल दहा)

  • पुरुष एकेरी:- नोव्हाक जोकोविच (सर्बिया), रॉजर फेडरर (स्वित्झर्लंड), मरे (ब्रिटन), स्टॅनिस्लास वॉवरिन्का (स्वित्झर्लंड), निशिकोरी (जपान), बर्डिच (चेक प्रजासत्ताक), रॉनिक (कॅनडा), फेरर (स्पेन), चिलीच (क्रोएशिया), नदाल (स्पेन).
  • महिला एकेरी:- सेरेना विल्यम्स (अमेरिका), क्विटोवा (चेक प्रजासत्ताक), हॅलेप (रोमानिया), मारिया शारापोवा (रशिया), कॅरोलिन वॉझ्नियाकी (डेन्मार्क), साफारोवा (चेक प्रजासत्ताक), अॅना इव्हानोविच (सर्बिया), एकतेरिना माकारोवा (रशिया), कार्ला सुआरेझ (स्पेन), अँजेलिक कार्बर (जर्मनी).

मानवी हक्क आयोगाची राज्य सरकारला नोटीस

    National Human Rights Commission
  • मुंबईतील मालवणी येथे घडलेल्या दारूकांडप्रकरणी राष्ट्रीय मानवी हक्क आयोगाने (एनएचआरसी) महाराष्ट्र सरकार आणि मुंबई पोलीस आयुक्तांवर नोटिसा बजाविल्या आहेत. या दारूकांडात आतापर्यंत १०० हून अधिक जणांचा बळी गेला आहे.
  • विषारी दारू प्यायल्याने मालवणी येथे अनेक जण मृत्युमुखी पडल्याचे वृत्त प्रसिद्ध होताच आयोगाने त्याची स्वत:हून दखल घेतली. माध्यमातील वृत्तांमध्ये तथ्य असल्यास हा मानवी हक्कांचे उल्लंघन झाल्याचा गंभीर प्रकार आहे, असे आयोगाने म्हटले आहे. 
  • राज्याचे मुख्य सचिव, अबकारी विभागाचे प्रधान सचिव आणि मुंबई पोलिसांवर नोटिसा बजाविण्यात आल्या असून, दोन आठवडय़ात वस्तुस्थिती सादर करण्यास सांगितले आहे. 
  • त्याचप्रमाणे बळींच्या नातेवाईकांना आणि रुग्णालयात दाखल करण्यात आलेल्यांना आर्थिक मदत करण्यात आली आहे का, त्याची माहितीही आयोगाने संबंधितांकडून मागविली आहे.

भाजपचे ज्येष्ठ नेते, खासदार दिलीपसिंह भुरिया यांचे निधन

  • भाजपचे ज्येष्ठ नेते व लोकसभेचे रतलाम-झाबुआ मतदारसंघातील खासदार दिलीपसिंह भुरिया (वय ७१) यांचे गुडगाव येथे निधन झाले. त्यांना मेंदूत रक्तस्राव झाला तसेच हृदयविकाराचा झटका आला, त्यामुळे त्यांचे निधन झाले.
  • त्यांचा जन्म १९ जून १९४४ रोजी झाला व १९७२ मध्ये ते पेटलावद विधानसभा मतदारसंघातून आमदार झाले. 
  • झाबुआ मतदारसंघातून ते १९८० मध्ये काँग्रेसकडून निवडून आले व १९८० ते १९९६ असे पाच वेळा ती जागा जिंकली. 
  • काँग्रेस सरचिटणीस दिग्विजय सिंह यांच्याशी मतभेदांमुळे त्यांनी काँग्रेस पक्ष सोडला व भाजपात प्रवेश केला. १९९८ मध्ये त्यांना काँग्रेसचे कांतिलाल भुरिया यांनी पराभूत केले पण २०१४ मध्ये दिलीपसिंह भुरिया परत निवडून आले. 
  • त्यांनी राष्ट्रीय अनुसूचित जाती-जमाती आयोगाचे अध्यक्ष म्हणून अटलबिहारी वाजपेयी यांचे सरकार असताना काम केले होते.

शाहीर लीलाधर हेगडेंना बालसाहित्य सन्मान

  • साने गुरुजींच्या धडपडणाऱ्या मुलांपैकी एक असलेले व उत्तुंग आमुची उत्तर सीमा, माझे राष्ट्र महान यांसारख्या देशभक्तिपर गीतांनी राष्ट्रप्रेम जागवणारे शाहीर लीलाधर हेगडे यांना साहित्य अकादमीचा २०१५चा राष्ट्रीय बालसाहित्य सन्मान जाहीर झाला आहे. त्याचबरोबर वीर राठोड यांना मराठीसाठीचा अकादमी युवा साहित्य सन्मान जाहीर झाला आहे. 
  • येत्या १४ नोव्हेंबरला मुंबईत होणाऱ्या कार्यक्रमात या पुरस्कारांचे वितरण होईल.
  • साहित्य अकादमीतर्फे यंदा २४ भाषांतील लेखकांना बालसाहित्य, तर २३ भाषांतील ३५ वर्षांखालील लेखकांना युवा साहित्य पुरस्कार जाहीर करण्यात आले. 
  • बालसाहित्य पुरस्कार मिळालेल्यांमध्ये शाहीर हेगडे यांच्यासह निवेदिता सुब्रह्मण्यम (इंग्रजी), शीरजंग गर्ग (हिंदी) व रामनाथ गावडे (कोकणी) यांचाही समावेश आहे. युवा साहित्य पुरस्कार विजेत्यांमध्ये निशा नाईक यांना कोकणीसाठीचा पुरस्कार जाहीर झाला आहे.
  • हेगडे यांना बालसाहित्यातील समग्र योगदानाबद्दल साहित्य अकादमी सन्मान मिळाला आहे. आपल्या गीतातंतून राष्ट्रप्रेमाचे स्फुल्लिंग जागविण्याबरोबरच उमलत्या पिढीत सुसंस्कारांची रूजवात व्हावी यासाठी अखंड धडपडणाऱ्या कार्यकर्त्यांमध्ये शाहीर हेगडे अग्रस्थानी आहेत. मुलांसाठी त्यांनी अनेक पुस्तके लिहिली आहेत. 
  • ठाणे जिल्ह्यात जन्मलेले शाहीर हेगडे यांनी १९४२च्या चले जाव आंदोलनात सहभाग घेतला; तसेच साने गुरुजींच्या पंढरपूर मंदिर सत्याग्रहातही ते सहभागी झाले. चुनाभट्टीतील साने गुरुजी आरोग्य मंदिराचे काम ते गेली किमान ४५ वर्षे सांभाळत आहेत. 
  • त्यांना यापूर्वी महाराष्ट्र फाउंडेशन न्यूयॉर्क व केशव गोरे स्मारक ट्रस्ट आदी संस्थांचे सन्मान मिळाले आहेत.

ईस्टर्न तसेच वेस्टर्न डेडिकेटेड फ्रीट कॉरिडोर (डीएफसी)

  • केवळ मालवाहतुकीच्या उद्देशाने बांधण्यात येत असलेल्या ईस्टर्न तसेच वेस्टर्न डेडिकेटेड फ्रीट कॉरिडोर (डीएफसी) प्रकल्पासाठी ८१,४५९ कोटी रुपयांच्या सुधारित खर्चाला केंद्रीय मंत्रिमंडळाच्या अर्थविषयक समितीने मंजुरी दिली.
  • महाराष्ट्रासह पंजाब, हरियाणा, उत्तर प्रदेश, बिहार, झारखंड, पश्चिम बंगाल, गुजरात आणि राजस्थान ही नऊ राज्ये या प्रकल्पाद्वारे जोडली जाणार आहेत. 
  • यातील पूर्वेकडील राज्यांमध्ये असलेल्या ‘इस्टर्न डेडिकेटेड फ्रेट कॉरिडॉर’ची अंमलबजाणी तीन टप्प्यांत केली जात आहे, तर पश्चिमेकडील राज्यांसाठीच्या ‘वेस्टर्न डेडिकेटेड फ्रेट कॉरिडॉर’ची दोन टप्प्यांत अंमलबजावणी केली जात आहे. 
  • या प्रकल्पाचे सर्व टप्पे २०१७ ते २०१९ दरम्यान पूर्ण करण्याचे लक्ष्य आहे. यासाठी ८४ टक्के जमिनीचे संपादन झाले असून, त्यासाठी ६९०० कोटी रुपयांचा मोबदला देण्यात आला आहे.

झहीर अब्बास ‘आयसीसी’चे अध्यक्ष

    Ex-Pakistan and Gloucestershire batsman Zaheer Abbas named ICC president
  • पाकिस्तानी क्रिकेट संघाचे माजी कर्णधार झहीर अब्बास यांची आंतरराष्ट्रीय क्रिकेट समितीच्या (आयसीसी) अध्यक्षपदासाठी निवड करण्यात आली आहे. बार्बाडोसमधील आयसीसीच्या वार्षिक परिषदेत हा निर्णय घेण्यात आला असून अब्बास पुढील एका वर्षासाठी आयसीसीचे अध्यक्ष म्हणून काम पाहतील.
  • बांगलादेशचे मुस्तफा कमाल यांनी विश्वचषक स्पर्धेदरम्यानच्या वादानंतर आयसीसीच्या अध्यक्षपदाचा राजीनामा दिला होता. त्यानंतर हे पद रिक्त होते. 
  • एहसान मणी यांच्यानंतर आयसीसीच्या अध्यक्षपदी विराजमान होणारे झहीर अब्बास हे दुसरे पाकिस्तानी असतील.
  • आयसीसीने या बैठकीदरम्यान सर्बिया क्रिकेट फेडरेशनलाही मान्यता दिली. 
  • आयसीसीचे चेअरमन : एन. श्रीनिवासन

झहीर अब्बास यांच्याबद्दल

  • शैलीदार फलंदाजीसाठी प्रसिद्ध असलेल्या अब्बास यांनी १९६९ ते १९८५ या आपल्या क्रिकेट कारकिर्दीत त्यांनी ७८ कसोटी आणि ६२ एकदिवसीय सामन्यांमध्ये पाकिस्तानचे प्रतिनिधित्व करताना अनुक्रमे ५०६२ आणि २,५७२ इतक्या धावा केल्या आहेत. 
  • याशिवाय त्यांनी १९७५, १९७९ आणि १९८३ या तीन विश्वचषक स्पर्धांमध्ये पाकिस्तानचे प्रतिनिधित्व केले होते. तसेच १४ कसोटी आणि १३ एकदिवसीय सामन्यांमध्ये ते पाकिस्तानी संघाचे कर्णधार होते. 
  • प्रथम श्रेणी क्रिकेटमध्ये १०८ शतके झळकवणारा एकमेव आशियाई खेळाडुचा बहुमानदेखील त्यांच्या नावावर जमा आहे. 
  • आपल्या दुसऱ्याच कसोटी सामन्यात अब्बास यांनी इंग्लंड विरुद्धच्या सामन्यात २७८ धावांची खेळी केली होती.

!!! जय महाराष्ट्र !!!

Thursday, June 25, 2015

चालू घडामोडी - २४ जून २०१५ [Current Affairs - June 24, 2015]

महाराष्ट्रामध्ये १० स्मार्ट शहरे

  • केंद्र सरकारने राज्य, केंद्रशासित प्रदेशांना स्मार्ट शहरांसाठी आणि ‘अटल मिशन फॉर रिजुविनेशन अँड अर्बन ट्रान्स्फर्मेशन स्कीम’ (अमृत) योजनेंतर्गत तयार होणाऱ्या शहरांसाठी नामांकने देण्यासाठी शहरांची संख्या सांगितली आहे. त्यावरून उत्तर प्रदेशात सर्वाधिक स्मार्ट शहरे तयार होणार असल्याचे समोर आले आहे.
  • केंद्र सरकार २५ जून रोजी स्मार्ट शहरे आणि ‘अमृत’ या योजनांना सुरुवात करणार आहे. 
  • याअंतर्गत उत्तर प्रदेशने मध्ये १३ शहरे विकसित होणार असून, ‘अमृत’ योजनेअंतर्गत ५४ शहरे निवडण्यात आली आहेत. तमिळनाडूमध्ये १२ स्मार्ट शहरे विकसित होणार असून, ३३ शहरे ‘अमृत’ योजनेंतर्गत निवडण्यात आली आहेत. महाराष्ट्रामध्ये १० स्मार्ट शहरे विकसित होण्यासाठी नामांकन करावे लागणार आहे. गुजरात आणि कर्नाटकमध्ये सहा शहरांचे नामांकन स्मार्ट शहरांसाठी करण्यास सांगितले आहे. ‘अमृत’ योजनेंतर्गत महाराष्ट्र, गुजरात, कर्नाटकमध्ये अनुक्रमे ३७, ३१, २१ शहरांचा समावेश केला जाणार आहे.
  • पंतप्रधान नरेंद्र मोदी २५ जूनला १०० स्मार्ट शहरे, ‘अमृत’ योजनेंतर्गत ५०० शहरे आणि प्रधान मंत्री आवास योजना राबवण्याची मार्गदर्शक तत्त्वे जाहीर करणार आहेत.

नवे रस्ते वाहतूक आणि सुरक्षा विधेयक

    Drunk driving may lead to fine of Rs 10000
  • केंद्र सरकारच्या नव्या रस्ते वाहतूक आणि सुरक्षा विधेयकात दारुड्या वाहन चालकांना चाप लावण्यासाठी परिवहन मंत्रालयाने जबरदस्त दंड आणि कठोर शिक्षेच्या प्रस्तावाचा समावेश आहे.
  • सध्या दारू पिऊन गाडी चालवताना आढळल्यास २ हजार रुपये दंड आणि सहा महिन्यांच्या शिक्षेची तरतूद आहे. नव्या विधेयकानुसार १० हजार रुपये दंड आणि सहा महिने ते एका वर्षाच्या तुरुंगवासाची शिक्षा होणार आहे. तसेच एका वर्षासाठी गाडीही जप्त केली जाणार आहे.
  • परिवहन खात्यानं हा प्रस्ताव कायदा मंत्रालय आणि त्यानंतर आता राज्य सरकारांकडे पाठवला आहे.

नव्या विधेयकातील तरतुदी

  • एकापेक्षा अधिक लायसन्स बाळगणाऱ्यांना तसेच एकापेक्षा जास्त लायसन्ससाठी अर्ज करणाऱ्यांना शिक्षा. 
  • विम्याशिवाय गाडी चालवणाऱ्या चालकांना २ हजार रुपये ते एक लाखांपर्यंत दंड. 
  • वाहतुकीचे नियम मोडणाऱ्यांसह वाहनांची सदोष निर्मिती अथवा चुकीचे डिझाइन असल्याचे समोर आल्यास ऑटो कंपन्यांनाही दंडात्मक शिक्षेची तरतूद. 
  • वाहनांची चुकीची डिझाइन असल्याचे आढळल्यास ५ लाखांपर्यंत दंड आणि संबंधित गाडी परत घेण्यास नकार दिल्यास तीन महिन्यांची शिक्षा अथवा गाडीच्या किमती इतकीच दंडाची तरतूद. 
  • एखाद्या मुलाच्या अपघाती मृत्यूला जबाबदार असलेल्या चालकाकडून जबरदस्त दंडवसुली. 
  • वारंवार वाहतूक नियम मोडणाऱ्यांचे लायसन्स कायमचेच रद्द होणार.

स्टेफी ग्राफ केरळ पर्यटन व आयुर्वेदाची अँबॅसेडर

    Steffi Graf
  • महान टेनिसपटू स्टेफी ग्राफची केरळ पर्यटन व आयुर्वेदाची ब्रँड अँबॅसेडर म्हणून निवड करण्यात आली आहे.
  • मुख्यमंत्री ओमेन चंडी यांच्या अध्यक्षतेखाली झालेल्या केरळच्या मंत्रिमंडळाच्या बैठकीत हा निर्णय घेण्यात आला. स्टेफी ग्राफ बरोबर करार करण्यासाठी केरळच्या पर्यटन मंत्रालयाने आवश्यक मंजुरी दिली आहे.
  • आता स्टेफी ग्राफ विदेशात केरळच्या आयुर्वेद उपचारांचा प्रसार आणि प्रचार करताना दिसणार आहे.
  • निर्सगाचे भरभरुन देणे लाभलेल्या केरळमध्ये आयुर्वेदीक औषधे मोठया प्रमाणावर आहेत. येथील आयुर्वेदीक उपचारांचा परिणाम लगेच दिसून येत असल्याने, देश-विदेशातून मोठया संख्येने नागरीक येथे आयुर्वेदिक उपचारांसाठी येत असतात.
  • स्टेफी ग्राफच्या नावावर २२ ग्रॅण्डस्लॅम जेतेपदे आहेत. ४६ वर्षीय स्टेफीने १९९९ मध्ये टेनिसमधून निवृत्ती घेतल्यानंतर ऑक्टोंबर २००१ मध्ये तिने माजी अव्वल टेनिसपटू आंद्रे आगासीबरोबर विवाह केला.

जयललिता यांच्या मुक्ततेला सर्वोच्च न्यायालयात आव्हान

    Jayalalitha
  • ज्ञात स्रोतापेक्षा अधिक संपत्ती बाळगल्याप्रकरणी तामिळनाडूच्या मुख्यमंत्री जयललिता यांच्या मुक्ततेला कर्नाटक सरकारने २३ जून रोजी सर्वोच्च न्यायालयात आव्हान दिले आहे. 
  • कर्नाटक उच्च न्यायालयाने अलीकडेच जयललिता, त्यांच्या निकटस्थ मैत्रीण शशीकला आणि अन्य दोघांना निर्दोष ठरविले होते.
  • कर्नाटक उच्च न्यायालयाने ११ मे रोजी आकड्यांतील त्रुटींच्या आधारे जयललिता आणि अन्य तिघांना मुक्त करण्याच्या निर्णयावर प्रश्नचिन्ह निर्माण झाले आहे. तो रद्द करीत जयललिता यांना पुन्हा अपात्र घोषित केले जावे, असे कर्नाटक सरकारचे वकील जोस अ‍ॅरिस्टॉटल यांनी विशेष याचिकेत म्हटले. 
  • न्यायालयाने कर्जाची आकडेवारी जुळवताना चूक केली. जयललिता यांना उत्पन्नाच्या ज्ञात स्रोतामार्फत मिळविलेली एकूण संपत्ती १६ कोटी १३ लाख एवढी असताना उच्च न्यायालयात केवळ २ कोटी ८२ लाख एवढीच संपत्ती दर्शविण्यात आली.

‘सेंड’ केलेला ‘जी-मेल’ करता येणार ‘अन-डू’

    G-mail send undo
  • ‘जीमेल’ने पाठविलेली ई-मेल परत घेण्याची नवी सुविधा उपलब्ध करून दिली आहे. गुगलनं त्यासाठी जी मेलच्या इनबॉक्समध्ये ‘सेंड अन-डू’ हा पर्याय दिला आहे. त्याद्वारे तुम्ही कोणताही मेल ३० सेकंदाच्या आत अन-डू करता येईल. 
  • गुगलनं हा टूल सहा वर्षांपूर्वीच विकसित केला होता. मात्र त्याचा वापर जीमेलच्या पब्लिक बीटा आवृत्तीवर मर्यादित होता. मात्र जी-मेलने आता ही सुविधा सर्वांसाठी उपलब्ध करून दिली आहे. 
  • ज्या युजर्सना यापूर्वीच अशी सुविधा उपलब्ध आहे, त्यांनाही ती पुढे अशीच सुरु राहणार आहे. तसेच ज्यांना ही सुविधा उपलब्ध नाही त्यांना ‘सेटिंग’ मधून ही सुविधा सुरु करणे आवश्यक आहे. 
  • ही सुविधा २००९ मध्ये सर्वप्रथम सुरु करण्यात आली होती. त्यावेळी केवळ ५ सेकंदांसाठी पाठविलेली ई-मेल थांबविण्याची सोय देण्यात आली होती. मात्र आता युजर्सना त्यासाठी ५, १०, २० किंवा ३० सेकंदांचा पर्याय उपलब्ध करून देण्यात आला आहे.

नेपाळच्या पुनर्बांधणीसाठी जागतिक बॅंकेने ५० कोटी डॉलरचा निधी

  • भूकंपामुळे उद्ध्वस्त झालेल्या नेपाळच्या पुनर्बांधणीसाठी जागतिक बॅंकेने ५० कोटी डॉलरचा निधी उभारला असून, यातील वीस कोटी डॉलर हे घरांच्या उभारणीवर खर्च केले जाणार असून, अन्य दहा कोटी डॉलर थेट नेपाळ सरकारला रोख स्वरूपात दिले जाणार आहेत. आणखी दहा ते वीस कोटी डॉलरचा निधी अन्य प्रकल्पांकडून पुनर्बांधणीच्या कार्याकडे वळविला जाणार आहे. 
  • भूकंपामुळे नेपाळचे ६.६ अब्ज डॉलरचे नुकसान झाले असून, ते भरून काढण्यासाठी आणखी पाच वर्षांचा अवधी लागेल. 
  • जागतिक बॅंक आणि आशियायी विकास बॅंकेने नेपाळला मोठ्या प्रमाणावर आर्थिक रसद उपलब्ध करून दिली आहे. 

उत्पन्नामध्ये घसरण

  • नेपाळमधील चारपैकी एका नागरिकाचे रोजचे उत्पन्न हे १.२५ डॉलरपेक्षाही कमी आहे. तसेच भूकंपामुळे देशातील गरिबांची संख्या सात लाखांच्या घरात पोचली आहे. 
  • जागतिक बॅंकेलाही निधीची चणचण भासत असल्याने नेपाळला मिळणाऱ्या निधीचा ओघ काहीसा कमी झालेला दिसून येतो. मागील वर्षी आफ्रिकी देशांना इबोला विषाणूचा सामना करण्यासाठी जागतिक बॅंकेने चाळीस कोटी डॉलरचा निधी उपलब्ध करून दिला होता.

युरोपातील सर्वांत वृद्ध नझरसिंग यांचे निधन

  • युरोपमधील सर्वांत वृद्ध असलेले नझरसिंग (वय १११) यांचे नुकतेच निधन झाले. 
  • मात्र नझरसिंग यांचा जन्मदाखला नसल्यामुळे ‘गिनीज बुक ऑफ वर्ल्ड रेकॉर्डस’ने त्यांची दखल घेतली नाही.
  • पंजाबमध्ये ८ जून १९०४ रोजी नझरसिंग यांचा जन्म झाला होता. नझरसिंग यांच्या वाढदिवसाला ब्रिटनची राणी शुभेच्छा देत असे.
  • वयाच्या १०७व्या वर्षांपर्यंत नझरसिंग बागकाम करीत होते आणि त्यांच्यावर कधी कोणती शस्त्रक्रियाही झाली नाही. १९६५ मध्ये ते ब्रिटनमध्ये स्थायिक झाले. तेथे कामगार म्हणून त्यांनी काम केले.

ज्येष्ठ पत्रकार प्रफुल बिडवई यांचं निधन

  • ज्येष्ठ पत्रकार आणि राजकीय विश्लेषक प्रफुल बिडवई (वय ६६) यांचे २४ जून रोजी अॅमस्टरडॅम येथे हृदयविकाराच्या तीव्र झटक्याने निधन झाले.
  • बिडवई हे अॅमस्टरडॅम येथे एका परिषदेत सहभागी होण्यासाठी गेले होते. तिथंच त्यांना हृदयविकाराचा झटका आला. त्यातच त्यांची प्राणज्योत मालवली. 
  • तब्बल चार दशके पत्रकारितेच्या क्षेत्रात असलेल्या बिडवई यांचा राजकीय, सामाजिक व आर्थिक प्रश्नांचा दांडगा अभ्यास होता. 
  • बिडवई यांनी पर्यावरण संरक्षण, मानवी हक्क आणि वैश्विक न्याय आदी प्रश्नांवर कार्यकर्ते म्हणून मोलाचे काम केले होते. नर्मदा बचावसह देशातील अनेक महत्त्वाच्या आंदोलनात त्यांनी प्रत्यक्ष सहभाग घेतला होता. 
  • १९७२मध्ये त्यांनी लिहिलेल्या ‘इकॉनॉमिक अॅण्ड पॉलिटिकल विकली’ या सदरामुळं पत्रकारितेत त्यांची ओळख निर्माण झाली. ‘टाइम्स ऑफ इंडिया’, ‘फायनान्शियल एक्स्प्रेस’, ‘बिझनेस इंडिया’सह विविध मासिकांत त्यांनी काम केले होते. 
  • राजकीय, आर्थिक, औद्योगिक धोरण, आंतरराष्ट्रीय संबंध, अणुऊर्जा, पर्यावरण विकास, राष्ट्रवाद आणि साम्यवाद, सायन्स आणि तंत्रज्ञान आदी विषयांवर त्यांनी लिखाण केले होते.

!!! जय महाराष्ट्र !!!

Wednesday, June 24, 2015

चालू घडामोडी - २३ जून २०१५ [Current Affairs - June 23, 2015]

ब्ल्यू मॉरमॉन महाराष्ट्राचे राज्य फुलपाखरू

    Blue-Mormon
  • मुख्यमंत्री देवेंद्र फडणवीस यांच्या अध्यक्षतेखाली २२ जून रोजी झालेल्या राज्य वन्यजीव मंडळाच्या बैठकीत ‘ब्ल्यू मॉरमॉन’ (राणी पाकोळी) या फुलपाखराला ‘राज्य फुलपाखरू’ दर्जा देण्याचा निर्णय घेण्यात आला.
  • राज्य फुलपाखरू घोषित करणारे महाराष्ट्र हे पहिले राज्य ठरले आहे.
  • राज्याची मानचिन्हे - प्राणी : शेकरू, पक्षी : हरियाल, वृक्ष : आंबा, फूल : जरूला, फूलपाखरू : ‘ब्ल्यू मॉरमॉन’
  • राज्याच्या इतर मानचिन्हांमध्ये आतापर्यंत फुलपाखरू नव्हते. फुलपाखरू हा जैवविविधतेतील महत्त्वाचा घटक व वनस्पतीसमवेत परस्परसंबंध असलेले महत्त्वपूर्ण कीटक आहे.
  • राज्यात फुलपाखरांच्या जवळपास २२५ प्रजाती आहेत. देशातील १५ टक्के फुलपाखरे महाराष्ट्रात आढळतात. देशात कोणत्याही राज्याने राज्य फुलपाखरू घोषित केलेले नाही.
  • फुलपाखरांचे अभ्यासक व निसर्गप्रेमींमार्फत राज्य फुलपाखरू म्हणून ब्ल्यू मॉरमॉन या प्रजातीचा विचार करण्याची मागणी वनमंत्री सुधीर मुनगंटीवार यांच्याकडे करण्यात आली होती. त्या अनुषंगाने हा प्रस्ताव राज्य वन्यजीव मंडळाच्या मान्यतेकरिता ठेवण्यात आला होता.

ब्ल्यू मॉरमॉन

  • शास्त्रीय नाव : पॅपिलिओ पॉलिम्नेस्टर
  • ब्ल्यू मॉरमॉन हे फुलपाखरू आकाराने सर्वात मोठे असलेल्या सदर्न बर्डविंग या फुलपाखरानंतर सर्वात मोठे फुलपाखरू असून ते मखमली काळ्या रंगाचे व पंखांवर निळ्या रंगाच्या चमकदार खुणा असतात. तसेच पंखाखालील बाजू काळी असून शरीराकडील एका बाजूवर लाल ठिपका असतो.
  • ब्ल्यू मॉरमॉन हे फुलपाखरू श्रीलंका व भारतातील केवळ महाराष्ट्र दक्षिण भारत व पूर्व समुद्र किनारपट्टीच्या क्षेत्रात आढळते. सध्या विदर्भापासून पश्चिम महाराष्ट्रापर्यंत त्याचे अस्तित्त्व आहे.
क्रेडिट, डेबिट कार्डाच्या वापरावर करसवलत
    Govt proposes I-T benefits for card payments
  • काळ्या पैशाला प्रतिबंध तसेच क्रेडिट किंवा डेबिट कार्डाच्या वापराला प्रोत्साहन देण्यासाठी केंद्र सरकारने खरेदीसाठी कार्ड वापरणाऱ्यांना प्राप्तिकरात सवलत देण्याचा प्रस्ताव तयार केला आहे.
  • तसेच कार्डाच्या वापरावर विशेषत: पेट्रोलपंपावर आकारण्यात येणारे अतिरिक्त शुल्क आणि रेल्वे तिकीट खरेदीवरील ‘उलाढाल प्रभार’ रद्द होण्याचे संकेत या प्रस्तावात सरकारने दिले आहेत.
  • रोकडविरहित अर्थव्यवस्थेकडे (कॅशलेस इकॉनॉमी) वाटचाल आणि करचोरीची प्रवृत्ती कमी करण्यासाठी हा प्रस्ताव तयार करण्यात आला आहे.
  • १ लाख रुपयांहून अधिक रकमेचे व्यवहार इलेक्ट्रॉनिक पद्धतीने करण्यास प्रोत्साहित करण्याचे सरकारने प्रस्तावित केले आहे. सध्या विविध संस्थांकडून इलेक्ट्रॉनिक व्यवहाराकरिता आकारले जाणारे शुल्क आणि प्रभार रद्द करून, अशा व्यवहारांना प्रोत्साहन देण्याचा उद्देश यामागे आहे.
  • दुकानदारांना देण्यात येणाऱ्या सवलतीत, उदा. त्याच्या सर्व व्यवहारापैकी किमान ५० टक्के व्यवहार इलेक्ट्रॉनिक माध्यमातून झाले असतील तर त्यावर योग्य ती करसवलत देणे किंवा मूल्यवर्धित करात (व्हॅट) एक ते दोन टक्के सवलत देणे आदी शिफारशींचा समावेश आहे.
  • एखाद्या व्यक्तीला कर्जासाठी सुधारित क्षमता मिळण्यासाठी ‘उलाढाल इतिहास’ तयार करणे, करचोरीचे प्रमाण कमी करणे आणि बनावट चलनाला आळा घालणे, हा यामागील उद्देश आहे. या प्रस्तावावर सरकारने २९ जूनपर्यंत प्रतिक्रिया मागवल्या आहेत.
  • रोख रकमेच्या व्यवहारांना आळा घालून क्रेडिट किंवा डेबिट कार्डावरील व्यवहारांना प्रोत्साहन देण्यासाठी सरकार लवकरच अनेक उपाययोजना आखेल, असे अर्थमंत्री अरुण जेटली यांनी त्यांच्या अर्थसंकल्पीय भाषणात म्हटले होते.

आयआयटी मध्ये वैद्यकीय शिक्षण

    IIT Kharagpur
  • आयआयटी खरगपूरची ओळख नामवंत अभियंत्यांसाठी असली तरी लवकरच या प्रतिष्ठित संस्थेत एमबीबीएसचा अभ्यासक्रम सुरू केला जाणार आहे.
  • आयआयटी कॅम्पसला लागून असलेल्या तीन एकर भूखंडावर ४०० खाटांचे सुपर स्पेशालिटी हॉस्पिटल उभारले जाणार असून तेथे डॉ. बी. सी. रॉय वैद्यकीय विज्ञान आणि संशोधन संस्था २०१७ च्या अखेरीस पूर्णत्वास येईल.
  • सरकारने या संस्थेसाठी गेल्या वर्षी २३० कोटी रुपयांची तरतूद केली आहे. या संस्थेत एमबीबीएससारखे अभ्यासक्रम सुरू करण्यासाठी मेडिकल कौन्सिलची (एमसीआय) परवानगी मागण्यात आली आहे.
  • आयआयटी खरगपूर ही संस्था अभियांत्रिकी अभ्यासासाठी जगभरात प्रसिद्ध असून वैद्यकीय शिक्षणात प्रवेश करणारी ही पहिली आयआयटी संस्था ठरणार आहे.
  • स्थानिक रुग्णांची सेवा करण्यासह हे रुग्णालय जैववैद्यकीय, क्लिनिकल आणि अन्य संशोधनाचे कार्य सुरू करेल. औषधांचे डिझाईन आणि पुरवठा यासारख्या महत्त्वपूर्ण क्षेत्रातील संशोधनातही हे रुग्णालय योगदान देणार आहे.

मदर तेरेसांचा वारसा पुढे चालवणाऱ्या सिस्टर निर्मला यांचे निधन

    Sister Nirmala Joshi
  • नोबेल पुरस्कार विजेत्या मदर तेरेसांचा वारसा पुढे चालवणाऱ्या व कोलकत्ता येथील धर्मादाय मिशनरीच्या माजी प्रमुख सिस्टर निर्मला जोशी यांचे हृदयविकाराच्या झटक्याने २३ जून रोजी निधन झाले. त्या ८१ वर्षांच्या होत्या.
  • सिस्टर निर्मला यांचा जन्म १९३४ साली झारखंडमध्ये झाला. पाटणा येथे ख्रिश्चन मिशनरीजमध्ये त्यांचे शिक्षण झाले.
  • मदर तेरेसा यांच्या कार्याने प्रभावित होऊन निर्मला जोशी यांनी रोमन कॅथलिक धर्माचा स्वीकार केला. पॉलिटिकल सायन्समध्ये मास्टर्स डिग्री घेणाऱ्या निर्मला वकील म्हणूनही प्रॅक्टिस करत होत्या.
  • मदर तेरेसा यांचा वारसा पुढे नेणाऱ्या निर्मला यांच्याकडे १९९७ मध्ये मिशनरीज ऑफ चॅरिटीजचे प्रमुखपद सोपवण्यात आले होते. २५ मार्च २००९ मध्ये त्यांचा कार्यकाळ समाप्त झाला. निर्मला यांच्या कार्याची दखल घेऊन केंद्र सरकारने २००९ मध्ये त्यांना ‘पद्मविभूषण’ पुरस्काराने सन्मानित केले होते.

चीनने कैलास मानसरोवर यात्रेसाठी नथुला खिंडीतील मार्ग खुला केला

  • चीनने कैलास मानसरोवर यात्रेला जाण्यासाठी दुसरा मार्ग खुला केला असून हा मार्ग तिबेटमार्गे नथुला खिंडीतून जातो. भारतीय यात्रेकरूंची पहिली तुकडी २३ जूनला या मार्गाने रवाना झाली. चीन व भारत यांच्यातील मैत्रीअंतर्गत विश्वासनिर्मितीसाठी चीनचा हा एक उपाय आहे.
  • हिमालयातील सिक्कीम नथुला मार्ग समुद्र सपाटीपासून ४ हजार मीटरवर आहे. पंतप्रधान नरेंद्र मोदी यांच्या चीन दौऱ्यात हा मार्ग खुला करण्याची घोषणा करण्यात आली होती. यामुळे कैलास मानसरोवर यात्रेसाठी अधिक भारतीय यात्रेकरू जाऊ शकतील.
  • सध्याचा मार्ग लिपुलकेश खिंडीतून जात असून, २०१३ साली उत्तराखंडात आलेल्या भीषण पुरात हा मार्ग खराब व नादुरुस्त झाला आहे.
  • चीनचे भारतातील राजदूत ले येचुंग भारतीय सीमेवरून प्रथमच या मार्गावर आले. या मार्गावर येणारे ते पहिले चिनी अधिकारी ठरले.

कैलास मानसरोवर यात्रा

  • ही यात्रा परराष्ट्र मंत्रालयातर्फे आयोजित केली जाते व १ हजार यात्रेकरूना दरवर्षी परवाना दिला जातो. १८ तुकड्यांत हे लोक यात्रेसाठी पाठवले जातात.
  • ही संपूर्ण यात्रा २३ दिवसांची असून १९ दिवस प्रवासात तर चार दिवस वैद्यकीय तपासणीसाठी असतात. यात्रेचा एकूण खर्च दर माणशी १.८० लाख रुपये असतो.
आशियाई ग्रां. प्रि. अॅथलेटिक्स सीरिजमध्ये ८ पदकांची कमाई
  • भारतीय संघाने बँकॉक येथे पार पडलेल्या आशियाई ग्रां. प्रि. अॅथलेटिक्स सीरिजच्या पहिल्या टप्प्यात ८ पदकांची कमाई केली. यात दोन सुवर्ण, एक रौप्य आणि पाच ब्राँझपदकांचा समावेश आहे.
  • भारताला दोन सुवर्णपदक जिन्सन जॉन्सन आणि इंदरजित सिंग यांनी मिळवून दिली. पुरुषांच्या ८०० मीटरच्या शर्यतीत जॉन्सनने १ मिनिट आणि ४८.५२ सेकंद अशी वेळ नोंदवून अव्वल क्रमांक मिळवला.
  • तर गोळा फेकमध्ये इंदरजितने १९.८३ मीटर लांब गोळा फेकून अव्वल क्रमांक मिळवला. इंदरजितचे हे या महिन्यात आंतरराष्ट्रीय स्पर्धेतील दुसरे सुवर्णपदक असून, त्याने याआधी चीनमध्ये झालेल्या आशियाई मैदानी स्पर्धेतही सुवर्णपदक मिळविले होते.
  • अंकित शर्माने लांब उडीमध्ये ७.७८ मीटर अशी कामगिरी करून रौप्यपदक मिळवले.
  • महिलांच्या ४०० मीटरच्या शर्यतीत एम. आर. पूवम्माने (५३.५१ से.) ब्राँझपदक मिळवले. अरोक्या राजीव, एस. नंदा यांनीही ब्राँझपदकाची कमाई केली. महिलांच्या १०० मीटर अडथळा शर्यतीत गायत्री गोविंदराजने (१३.७२ से.) आणि महिलांच्या ८०० मीटर शर्यतीत एम. गोमतीने (२ मि. ७.४८ से.) ब्राँझपदक मिळवले.
  • या स्पर्धेतील सुवर्ण विजेत्या खेळाडूला १५०० डॉलर, रौप्य विजेत्याला ८०० डॉलर आणि ब्राँझपदक विजेत्याला ५०० डॉलरचे पारितोषिक मिळणार आहे.
  • स्पर्धेदरम्यान गुडघ्याला दुखापत झाल्यामुळे भालाफेकमधील भारताचा राष्ट्रीय विक्रमवीर राजिंदरसिंगला हॉस्पिटलमध्ये दाखल करण्यात आले आहे.
  • या स्पर्धेत चौदा क्रीडाप्रकारांचा समावेश होता. तसेच या स्पर्धेचा दुसरा आणि तिसरा टप्पा अनुक्रमे २५ आणि २९ जूनला होणार आहे.

ऑस्करविजेते संगीत दिग्दर्शक जेम्स हॉर्नर यांचे अपघाती निधन

    Academy Award-winning composer James Horner
  • ‘टायटॅनिक’, ‘अवतार’ आणि ‘ब्रेव्हहार्ट’ या गाजलेल्या हॉलीवूड चित्रपटांचे संगीत दिग्दर्शक जेम्स हॉर्नर यांचे २२ जून २०१५ रोजी विमान अपघातात निधन झाले. ते ६१ वर्षांचे होते.
  • कॅलिफोर्नियामधील व्हेंच्युरा कौंटीमध्ये हॉर्नर यांच्या खासगी विमानाला अपघात झाला.
  • हॉलिवूडमधील सर्वाधिक यशस्वी संगीतकारांमध्ये हॉर्नर यांचे नाव आदराने घेतले जाते. १९९७ मध्ये प्रसिद्ध झालेल्या ‘टायटॅनिक’ या चित्रपटाच्या संगीतासाठी त्यांना दोन ऑस्कर पुरस्कार मिळाले होते. या चित्रपटातील ‘माय हार्ट विल गो ऑन’ हे प्रचंड गाजलेले गाणेही हॉर्नर यांचेच होते.
  • ‘अवतार’, ‘ब्रेव्हहार्ट’, ‘अ ब्युटिफुल माईंड’, ‘अॅन अमेरिकन टेल’, ‘फिल्ड ऑफ ड्रिम्स’, ‘अपोलो १३’ या हिट चित्रपटांना त्यांनी संगीत दिले होते. त्यांना आतापर्यंत १० वेळा ऑस्कर पुरस्कारासाठी नामांकन मिळाले आहे.

झिम्बाब्वे डॉलर बंद

  • झिम्बाब्वे डॉलरने चलनाच्या बाबतीत ऐतिहासिक घसरण नोंदविली आहे. एका अमेरिकन डॉलरसाठी ३५ क्वाड्रीलियन (एकावर पंधरा शून्य) झिम्बाब्वेयिन डॉलर मोजण्याची वेळ आली आहे.
  • इतक्या प्रचंड अवमूल्यनानंतर गेली अनेक वर्षे बाजारात फारशी किंमत न उरलेला झिम्बाब्वे डॉलर बंद करण्याचा निर्णय घेण्यात आला आहे.
  • ३० सप्टेंबरपासून झिम्बाब्वे डॉलर चलनातून पूर्णत: बाद होणार आहे.
  • २००९ साली आर्थिक मंदीतून जग सावरत असतानाच झिम्बाब्वेमध्ये अमेरिकन डॉलरचा वापर वाढला होता आणि स्थानिक चलन नाममात्र राहिले होते. आता झिम्बाब्वेचे अमेरिकन डॉलर हेच अधिकृत चलन बनविण्यात येणार आहे.
  • १९७० साली झिम्बाब्वेने ऱ्होडेशियन डॉलरचा चलन म्हणून वापर सुरु केला. त्यानंतर स्वातंत्र्य मिळाल्यानंतर झिम्बाब्वे डॉलरचा वापर सुरु करण्यात आला होता. मात्र त्यानंतर वाढती महागाई, चलवाढ, मंदी यामुळे डॉलरच्या तुलनेमध्ये झिम्बाब्वे डॉलरची घसरण होऊ लागली.

!!! जय महाराष्ट्र !!!

Tuesday, June 23, 2015

स्पर्धा परीक्षा परीक्षार्थींसाठी

मित्रांनो हा Blog MPSC, UPSC आणि इतर स्पर्धा परीक्षाच्या मार्गदर्शनाकरीता आम्ही सुरु केला आहे. MPSCचे बदलते स्वरुप आणि नवीन अभ्यासक्रम या सर्वांचा विचार करून आम्ही तुम्हाला उपयुक्त अशी माहिती देणार आहोत. या Blog वर तुमच्यासाठी चालू घडामोडी, बदलत्या स्वरूपानुसार प्रश्नोत्तरे तसेच स्पर्धा परीक्षांसंदर्भात इतर माहिती पुरविणार आहोत.

आमच्या Blog मुळे जास्तीत जास्त विद्यार्थी पुढे गेल्यास आम्हाला आनंद होईल.

तुम्ही सर्व या उपक्रमाला उत्कृष्ट प्रतिसाद द्याल अशी अपेक्षा करतो.

धन्यवाद.

चालू घडामोडी - २२ जून २०१५ [Current Affairs - June 22, 2015]

गिनीज बुकमध्ये योग दिनाची नोंद

    A view of Rajpath from the top of India Gate on the eve of International Yoga Day in New Delhi
  • आंतरराष्ट्रीय योग दिनानिमित्त दिल्लीतील राजपथावर करण्यात आलेल्या योग कार्यक्रमाच्या नावावर गिनीज बुक ऑफ वर्ल्ड रेकॉर्डमध्ये दोन विक्रमांची नोंद झाली. 
  • या कार्यक्रमात एकाचवेळी ३५,९८५ नागरिकांनी भाग घेतला. दुसरा विक्रम म्हणजे या कार्यक्रमात ८४ देशांचे नागरिक सहभागी झाले होते. 
  • यापूर्वी हा विक्रम विवेकानंद केंद्राच्या वतीने १९ नोव्हेंबर २००५ रोजी ग्वाल्हेर येथे आयोजित योगशिबिराच्या नावावर होता. या शिबिरात २९,९७३ लोकांनी सहभाग घेतला होता. 
  • गिनीज बुकने किमान ५० देशांचे नागरिक एखाद्या योग कार्यक्रमात सहभागी झाल्यानंतर विक्रमाची नोंद करण्याचे ठरविले होते. मात्र, राजपथावर तब्बल ८४ देशांचे नागरिक सहभागी झाले होते.
  • आयुष मंत्री : श्रीपाद नाईक

रामचंद्र गुहा यांना जपानचा प्रतिष्ठित ‘फुकुओका’ पुरस्कार

    Ramachandra Guha
  • प्रसिद्ध इतिहासकार रामचंद्र गुहा यांना जपानचा प्रतिष्ठित ‘फुकुओका’ पुरस्कार जाहीर झाला आहे. गुहा यांची निवड शैक्षणिक क्षेत्रात झाली आहे. 
  • गुहा यांच्या व्यतिरिक्त थांट मिंट यू आणि मिन्ह हान्ह यांना या पुरस्काराने सन्मानित करण्यात येणार आहे. हान्ह यांनी कला आणि संस्कृती, तर यू यांनी शैक्षणिक क्षेत्रात महत्त्वाची कामगिरी बजावली आहे. 
  • आशियामध्ये कला, शिक्षण आणि संस्कृती या क्षेत्रात उल्लेखनीय कामगिरी करणाऱयांना ‘फुकुओका’ पुरस्काराने सन्मानित करण्यात येते.
  • या पुरस्काराचा वितरण सोहळा १७ सप्टेंबर रोजी फुकुओका आंतरराष्ट्रीय काँगेस सेंटरमध्ये पार पडणार आहे. 
  • यापूर्वी रवि शंकर, पद्य सुब्रम्हण्यम, रोमिला थापर, अमजद अली खान, आशिष नंदी, पार्थ चटर्जी, वंदना शिवा, नलिनी मालणी या भारतीयांना हा पुरस्कार देण्यात आला आहे. 
  • प्रसिद्ध भारतीय इतिहासकार रामचंद्र गुहा यांनी भारतीय इतिहास सर्वसामान्य व्यक्तीच्या नजरेतून पुस्तकात उतरवलेला आहे. भारतातील इतिहास सोप्या भाषेत सांगण्याचे काम त्यांनी केले आहे. भारतात विविध भाषा, परंपरा, धर्म आणि जाती असून त्यांच्या पुस्तकातून या बाबतची सविस्तर माहिती मिळते. 

आकाशगंगेला ख्रिस्तीयानो रोनाल्डोचे नाव

    CR-7
  • शास्त्रज्ञांनी अलीकडेच शोधलेल्या एका नवीन आकाशगंगेला पोर्तुगालचा फुटबॉलपटू ख्रिस्तीयानो रोनाल्डोच्या सन्मानार्थ सीआर-७ (कॉसमॉस रेडशिफ्ट-७) असे नाव दिले.
  • ख्रिस्तीयानो रोनाल्डोला सीआर-७ या नावानेही ओळखले जाते.
  • आतापर्यंत ज्ञात असलेल्या हिमको या सर्वात दूरच्या आकाशगंगेपेक्षा सीआर-७ तीन पट जास्त तेजस्वी आहे. कॉसमॉस रेडशिफ्ट-७ किंवा सीआर-७ विश्वातील सर्वात जुनी आकाशगंगा मानली जाते.
  • शास्त्रज्ञांनी विश्वाच्या निर्मितीपासून ते आतापर्यंतच्या सर्वात तेजस्वी आकाशगंगेचा शोध लावला असून, या आकाशगंगेतील ताऱ्यांची हि पहिली पिढी आहे.
  • खगोलशास्त्रज्ञ बऱ्याच काळापासून ताऱ्यांच्या पहिल्या पिढीचे अस्तित्वाबद्दल अनुमान लावत आहेत. त्यांना  पॉपुलेशन-३ तारे म्हणून ओळखले जाते. पॉपुलेशन-३ ताऱ्यांची निर्मिती बिग बँगनंतर झाली आहे.

युपीएससीमध्ये अंध, ‘सेरेब्रल’ग्रस्तांनाही लेखनिक

  • केंद्रीय लोकसेवा आयोगाच्या पूर्व (प्रीलिम) आणि मुख्य परीक्षेत अंध, अपंग सेरेब्रल पाल्सीग्रस्त उमेदवारांना लेखनिकाची मदत घेता येऊ शकेल. केंद्रीय लोकसेवा संघ लोकसेवा आयोगाने (यूपीएससी) एका निवेदनाद्वारे ही माहिती दिली.
  • अशा प्रकारच्या उमेदवारांना प्रति तासाला २० मिनिटांचा अतिरिक्त वेळ दिला जाईल. 
  • अंध, लोकोमोटर अपंगत्व असलेले आणि सेरेब्रल पाल्सीग्रस्त उमेदवारांचे लेखनकार्य जर त्याच्या अपंगत्वामुळे (किमान ४० टक्के दुर्बलता) प्रभावित होत असेल, तर त्याला नागरी सेवेच्या प्रारंभिक आणि मुख्य परीक्षेत लेखनिकाची मदत घेण्याची अनुमती दिली जाईल.
  • सेरेब्रल पाल्सी हा मेंदूशी संबंधित आजार आहे, ज्यामुळे शरीराची हालचाल प्रभावित होत असते, तर लोकोमोटिव्ह दुर्बलता ही सांधे व स्नायूंमधील अकार्यक्षमता दर्शविते. 

स्विस बँकांमध्ये पैसे ठेवणाऱ्यांच्या बाबतीत भारत ६१वा

  • स्विस बँकांमध्ये पैसे ठेवणाऱ्या परदेशी व्यक्तींच्या बाबतीत भारताचे जागतिक क्रमवारीतील स्थान तीनने घसरून ६१वर आले आहे. 
  • स्वित्झर्लंडमधील बँकिंग व्यवस्थेमध्ये जगभरातील सुमारे १.६ लाख कोटी डॉलर संपत्ती ठेवलेली आहे. त्यातील भारतातून ठेवण्यात आलेल्या संपत्तीचा वाटा अत्यल्प ०.१२३ टक्के आहे. 
  • स्विस बँकांमध्ये पैसे ठेवणाऱ्यांच्या बाबतीत ब्रिटन आणि अमेरिका पहिल्या दोन स्थानांवर आहेत, तर या क्रमवारीत पाकिस्तान ७३व्या स्थानी आहे. 
  • स्वित्झर्लंड मध्यवर्ती बँकिंग प्राधिकरण असलेल्या ‘एसएनबी’ने (स्विस नॅशनल बँक) ही माहिती जाहीर केली आहे. 
  • स्वित्झर्लंडमधील वेगवेगळ्या बँकांमध्ये परदेशी व्यक्तींनी पैसे ठेवले आहेत. त्यापैकी ‘यूबीएस’ आणि ‘क्रेडिट सुइस’ या दोन बँकांमध्ये दोन तृतीयांश रक्कम असल्याचे समोर आले आहे. 
  • स्विस बँकांमध्ये भारतीयांनी ठेवलेले पैसे २०१४मध्ये दहा टक्क्यांनी घटून १ अब्ज ८० कोटी स्विस फ्रँक्सवर (सुमारे १२ हजार ६१५ कोटी रुपये) आले आहेत.

नालसर विद्यापीठाने लिंग ओळखमुक्त पदवी प्रदान केली

    Nalsar University Degree
  • हैदराबादस्थित नालसर विधि विद्यापीठाने पदवीच्या आनंदिता मुखर्जी या विद्यार्थिनीला लिंग ओळखमुक्त अशी पदवी प्रदान केली. या पदवीत विद्यार्थिनीच्या नावासमोर ‘मिस’ नव्हे तर ‘एमएक्स’ असे लिहिलेले आहे. 
  • देशातील एखाद्या विद्यापीठाने जारी केलेली अशा प्रकारची ही पहिली पदवी आहे.
  • पदवी प्रमाणपत्रावरील आपल्या नावासमोर कुमारी/श्रीमती’ किंवा ‘श्री वा श्रीमान’ असे कुठलेही लिंगाची ओळख दर्शविणारे संबोधन वा उपाधी न लिहिता ‘एमएक्स’ लिहावे, अशी विनंती आनंदिता हिने केली होती. तिची ही विनंती मान्य करून विद्यापीठाने ‘एमएक्स आनंदिता मुखर्जी’ या नावाने तिला पदवी प्रमाणपत्र बहाल केले.
  • एमएक्स हे लिंग ओळखमुक्त असे संबोधन आहे. याप्रती अलीकडे आकर्षण वाढायला लागले आहे.

वादग्रस्त ट्विटमुळे भाजपचे राम माधव गोत्यात

    Ram Madhav
  • उपराष्ट्रपती हमीद अन्सारी योगदिनाच्या कार्यक्रमाला अनुपस्थित राहिले, अशा आशयाचं ट्विट भाजप नेते राम माधव यांनी केल्यामुळे ते वादाच्या भोवऱ्यात अडकले. यावर उपराष्ट्रपतींना कार्यक्रमाचे निमंत्रणच नव्हते असा खुलासा उपराष्ट्रपतीच्या कार्यालयातर्फे करण्यात आला.
  • सरकारने या मुद्द्यावर प्रोटोकॉलचं कारण पुढे केलं आहे. पंतप्रधान हे या कार्यक्रमाचे प्रमुख पाहुणे होते. आणि त्यापेक्षा उच्चपदारीवल व्यक्तीला निमंत्रण देणं अयोग्य ठरलं असतं. अन्सारींना बोलवून उपराष्ट्रपती पदाच्या गरीमेला ठेच पोहचली असती. त्यामुळे त्यांना निमंत्रण दिलं गेलं नाही, असं केंद्रीय मंत्री श्रीपाद नाईक यांनी स्पष्ट केले.
  • अन्सारी हे राज्यसभेचे अध्यक्ष आणि त्याचबरोबर राज्यसभा टीव्हीचेही प्रमुख आहेत. त्यामुळे त्यांनी योग दिनाचा कार्यक्रम राज्यसभा टीव्हीवर लाईव्ह केला नाही, असा आरोपही भाजप नेते राम माधव यांनी ट्विटमधून केला होता. 
  • पण राज्यसभा टीव्हीचे सीईओ गुरुदीप सिंग सप्पल यांनी हे आरोप फेटाळून लावले. राज्यसभा टीव्हीने राजपथावरील योग दिनाचा कार्यक्रम लाईव्ह टेलिकास्ट केला. शिवाय ३ लघुपट आणि एक विशेष रिपोर्टही योगावर सादर केले, असं सप्पल म्हणाले.
  • राम माधव यांनी खरी परिस्थिती समोर आल्यानंतर वादग्रस्त ट्विटमागे घेत माफी मागितली. सरकारनेही सारवासारव करीत चुकीची कबुली दिली.

अफगाणिस्तानच्या संसदेवर तालिबानी दहशतवाद्यांचा हल्ला

  • अफगाणिस्तानची राजधानी काबूल येथील संसदेवर तालिबानी दहशतवाद्यांनी २२ जून रोजी हल्ला केला. संसदेच्या इमारतीबाहेर दहशतवाद्यांनी चार शक्तिशाली बाँबस्फोट घडवून आणले असून, या स्फोटांनी संपूर्ण काबूल शहर हादरले आहे. 
  • यावेळी गोंधळ उडाल्याने खासदारांना सुरक्षित आश्रय शोधावा लागला, तसेच हा हल्ला दूरचित्रवाणीवर थेट प्रक्षेपणामुळे दिसू शकला.
  • या हल्ल्यात सात हल्लेखोरांसह दोनजण ठार झाले असून त्यात एका मुलाचा समावेश आहे. 
  • अफगाणिस्तानच्या संरक्षण मंत्रीपदाच्या उमेदवाराचा परिचय करून दिला जात असताना हा हल्ला झाला. हा हल्ला दोन तास सुरू होता. त्यानंतर आत्मघाती कार बॉम्बरसह सात हल्लेखोरांना सुरक्षा दलांनी केलेल्या कारवाईत ठार करण्यात आले.
  • तालिबानी दहशतवादी संघटनेने या हल्ल्याची जबाबदारी स्वीकारली आहे.
  • यापूर्वी २०१२ मध्ये आत्मघाती हल्लेखोरांनी संसदेवर हल्ला करण्याचा प्रयत्न केला होता. २००१ मध्ये अमेरिकी आक्रमणानंतर अफगाणिस्तानात तालिबानची सत्ता संपुष्टात आली होती. काबूलमध्ये अतिशय महत्त्वाच्या अशा ठिकाणांवर तालिबानने हल्ला केल्याने नाटो सेनेच्या मदतीशिवाय अफगाणिस्तानचे सैन्य तालिबानला तोंड देऊ शकत नाही हे परत सिद्ध झाले आहे. नाटोने त्यांची मोहीम डिसेंबरमध्ये बंद केली होती.

निको रॉसबर्ग ऑस्ट्रियन ग्रांप्रीचा विजेता

  • मर्सिडिज संघाच्या निको रॉसबर्ग याने रविवारी संघ सहकारी ल्युईस हॅमिल्टनला मागे टाकत जागतिक फॉर्म्युला वन मालिकेतील ऑस्ट्रियन ग्रांप्री जिंकली. रॉसबर्गचे फॉर्म्युला वनमधील एकूण अकरावे विजेतेपद ठरले. तसेच, रॉसबर्गचे हे या मोसमातील हे तिसरेच जेतेपद ठरले. यापूर्वी रॉसबर्गने या मोसमात स्पॅनिश ग्रांप्री आणि मोनॅको ग्रांप्री जिंकली होती.
  • मर्सिडीजचा हॅमिल्टन दुसऱ्या क्रमांकावर, विल्यम्स संघाचा फिलिपे मासा तिसऱ्या क्रमांकावर राहिला.
  • या विजेतेपदासह रॉसबर्गच्या खात्यात २५ गुण, तर हॅमिल्टनच्या खात्यात १८ गुण जमा झाले आहेत. 
  • ड्रायव्हर्सच्या गुणतक्त्यात हॅमिल्टन १६९ गुणांसह आघाडीवर असून, त्यापाठोपाठ १५९ गुणांसह दुसऱ्या क्रमांकावर निको रॉसबर्ग आहे. फेरारीचा सेबॅस्टियन व्हिटेल १२० गुणांसह तिसऱ्या क्रमांकावर आहे.

भारतीय क्रिकेट चाहत्यावर बांगलादेशमध्ये हल्ला

    Sudhir Gautam
  • भारतीय क्रिकेट संघ आणि सचिन तेंडुलकर यांचा कट्टर चाहता म्हणून जगभरात प्रसिद्ध असणाऱ्या सुधीर गौतम यांच्यावर २१ जून रोजी बांगलादेशच्या समर्थकांकडून हल्ला करण्यात आला. 
  • भारत आणि बांगलादेश यांच्यातील दुसरा एकदिवसीय सामना जिंकून बांगलादेशने मालिका जिंकल्यानंतर हा प्रकार घडला. 
  • सुधीर गौतम सामना संपल्यानंतर मैदानाच्या बाहेर रिक्षा पकडत असताना त्यांच्यावर काही अतिउत्साही बांगलादेशी क्रिकेट समर्थकांनी दगडफेक करण्यास सुरूवात केली. यावेळी ते विश्वचषकातील उपांत्यपूर्व फेरीत भारताने बांगलादेशच्या केलेल्या पराभवाचा बदला घेत असल्याचे म्हणत होते. 
  • मात्र, त्याठिकाणी वेळीच दोन पोलीस आल्याने सुधीर गौतम यांची सुटका झाली.

शालेय अभ्यासक्रमात योगा विषय सक्तीचा

  • आंतरराष्ट्रीय योग दिवसाच्या पार्श्वभूमीवर केंद्रीय मनुष्यबळ विकास मंत्री स्मृती इराणी यांनी २२ जून रोजी दिल्लीत केंद्र सरकारच्या अखत्यारित चालणाऱ्या सर्व विद्यालयांमध्ये ६ वी ते १० वीच्या विद्यार्थ्यांसाठी योगा विषय सक्तीचा करण्याचा निर्णय जाहीर केला. शिक्षकांच्या अभ्यासक्रमातही योग प्रशिक्षण दिले जाईल असे त्यांनी म्हटले आहे.
  • केंद्रीय विद्यालय आणि जवाहर नवोदय विद्यालयांमध्ये लवकरच या निर्णयाची अंमलबजावणी होणार आहे. 
  • या विषयाचा विद्यार्थ्यांवर कुठलाही अतिरिक्त ताण पडणार नाही. कारण या विषयाअंतर्गत ८० गुण प्रात्यक्षिकासाठी आणि केवळ २० गुण लेखी परीक्षेसाठी असतील.
  • तसेच पुढील वर्षापासून राष्ट्रीय स्तरावर योग स्पर्धा घेतली जाईल व या स्पर्धेतील सर्वश्रेष्ठ विद्यार्थ्याला ५ लाख रुपयांचे रोख पारितोषिक दिले जाईल असेही स्मृती इराणी यांनी सांगितले.
  • योगाची वाढती मागणी बघता योगाशिक्षकांसाठी अभ्यासक्रम राबवण्याचा सरकारचा विचार आहे. यात योगा विषयात पदवी, पदव्यूत्तर, डिप्लोमा कोर्स सुरु केले जातील.

जपानच्या सॉफ्ट बँक कोर्पची भारतात २० अब्ज डॉलरची गुंतवणूक

  • २२ जून २०१५ रोजी जपानच्या सॉफ्ट बँक कोर्पने भारती इंटरप्रायजेज (भारत) आणि फाक्सकॉन (तैवान) यांच्या अल्प भागीदारीसह भारतात सौरऊर्जा प्रकल्प उभारण्यासाठी २० अब्ज डॉलरच्या गुंतवणुकीची घोषणा केली.
  • जपानमध्ये मुख्यालय असलेली दूरसंचार व इंटरनेट कंपनी सॉफ्ट बँकने यापूर्वी भारतात आपण येत्या १० वर्षांत दहा अब्ज डॉलरची गुंतवणूक करणार असल्याचे म्हटले होते. 
  • या तिन्ही कंपन्या मिळून भारतात २० गीगा वॅट्सचे अक्षय ऊर्जा प्रकल्प उभारतील. 

चांद्रयान-२ची प्रतिकृती इस्रोकडे सुपूर्द

  • भारताच्या दुसऱ्या चांद्र मोहिमेतील चांद्रयान-२ची प्रतिकृती (ऑर्बिटर क्राफ्ट मोड्युल स्ट्रक्चर) इस्रोकडे सोपविण्यात आली. हिंदुस्थान एरोनॉटिक्स लिमिटेडने (एचएएल) ही प्रतिकृती तयार केली आहे. 
  • चांद्रयान-२ हे चांद्रयान-१ची सुधारित आवृत्ती आहे. तीन टन वजन वाहून नेण्याची त्याची क्षमता आहे. 
  • इस्रोच्या नियोजनानुसार, चांद्रयान-२ येत्या दोन-तीन वर्षांत भूस्थिर उपग्रह वाहकाद्वारे अवकाशात सोडण्यात येईल.

अँडी मरे क्विन्स क्लब टेनिस स्पर्धेत विजयी

    Andy Murray wins Queens Club
  • अँडी मरेने २१ जून रोजी क्विन्स क्लब टेनिस स्पर्धा जिंकली. त्याचे हे कारकिर्दीतील चौथे क्वीन्स जेतेपद ठरले आहे. फायनलमध्ये त्याने दक्षिण आफ्रिकेच्या केविन अँडरसनवर ६-३, ६-४ असा विजय मिळवला. 
  • याआधी जॉन मॅकेन्रो, बोरिस बेकर, अँडी रॉडिक व लिटन ह्युईट यांनी ही स्पर्धा चारवेळा जिंकली आहे.
  • २०१५च्या एटीपी मोसमातील मरेचे हे तिसरे जेतेपद आहे. याआधी त्याने माद्रिद व म्युनिच स्पर्धा जिंकली आहे. २०१३च्या विम्बल्डन जेतेपदानंतर मरेने प्रथमच ग्रास कोर्टवरील स्पर्धा जिंकली.

नमाज पढण्यास चीनमध्ये बंदी

  • मुस्लिम बहुसंख्य असलेल्या शिनजियांग प्रांतातील सरकारी अधिकारी, विद्यार्थी व शिक्षकांनी रमजान महिन्यात रोजे ठेवण्यास आणि मशिदींमध्ये जाऊन नमाज पढण्यास चीन सरकारने बंदी घातली असून तेथील उपाहारगृहेही दिवसभर खुली ठेवण्याचा आदेश देण्यात आला आहे.

!!! जय महाराष्ट्र !!!